அந்தமான் தமிழர்கள்

அந்தமான் தமிழர்கள் (Andaman Tamils) என்போர், அந்தமான் மற்றும் நிகோபார் தீவுகளில் தமிழ் பேசும் மக்கள் ஆவாா்கள். இவா்கள் பொதுவாக மதராசி (மதறாஸ், தமிழ் நாட்டின் முன்னாள் பெயர்) என அழைக்கப்படுகிறார்கள். 

இத்தமிழர்களில் மூன்று பிாிவினா்  உள்ளனா். முதல் பிாிவினா்  தமிழ்நாட்டிலிருந்து வாழ்வாதாரத்தைத் தேடி குடியேறியவர்கள். இவா்கள் அனைத்து தீவுகளிலும் மனிதர்கள் குடியேறிய பகுதியில்  காணப்படுகின்றனர். இரண்டாவது பிாிவினா், அன்றைய பர்மாவில் இராணுவ ஆட்சிக்கு பின்னர் மியன்மாரில் இருந்து இங்குவந்து குடியேறிய தமிழ் பேசும் மக்களாவர். மூன்றாவது பிாிவினா், இலங்கையில் வாழ்ந்த தமிழ் பேசும் மக்கள் அந்த நாட்டின் இனவாத மோதல்களுக்குப் பின்னர் அங்கிருந்து புலம்பெயர்ந்து, அந்தமான் வந்து குடியேறியவர்கள். முதலாவது பிாிவின் மக்கள்தொகை மிகப்பெரியது. மேலும் இடப்பெயா்வு தொடர்வதால், இப்பிரிவின் மக்கள் தொகையும் அதிகரிக்கிறது. இப்பிரிவினர் தமிழ் மொழியில் பேசுகிறார்கள், எழுத்துக்களில் தமிழ் குறியீட்டைப் பயன்படுத்துகிறார்கள். தமிழா்களைத் தவிர மற்றவா்களிடம் ஒருவிதமான இந்தி மொழியில் பேசுகின்றனர். இம் மொழி ’அந்தமான் இந்தி’ என்று அழைக்கப்படுகிறது. கல்வி பயின்ற தமிழர்கள் ஆங்கிலத்திலும் பேசுகின்றனர். அவர்களில் பெரும்பாலோர் "உள்ளூர்" வாசிகள். அந்தமான் நிகோபார் தீவுகளில் சுமார் 100,000 தமிழர்கள் உள்ளனர்.