அசோக் குமார் சர்க்கார்
அசோக் குமார் சர்க்கார் (Ashok Kumar Sarkar) வங்காள மொழியில் வெளிவரும் ஆனந்த பசார் பத்திரிகா என்ற தினசரி பத்திரிகையின் மூத்த ஆசிரியராகவும், ஆனந்த பசார் பத்திரிகா குழுமத்தின் உரிமையாளரும் ஆவார்.[1] 1912 ஆம் ஆண்டு அக்டோபர் மாதம் 7 ஆம் தேதி இவர் பிறந்தார்.
| அசோக் குமார் சர்க்கார் Ashok Kumar Sarkar | |
|---|---|
| தேசியம் |  இந்தியர் |
| படித்த கல்வி நிறுவனங்கள் | இசுக்காட்டிசு பேராலாய கல்லூரி, கொல்கத்தா |
| செயற்பாட்டுக் காலம் | 1958-1983 |
| பெற்றோர் | |
| வாழ்க்கைத் துணை | அலோக்கா சர்க்கார் |
| பிள்ளைகள் |
|
வாழ்க்கைக் குறிப்பு
அசோக் குமார் சர்க்கார் ஒரு வங்காளி இந்து குடும்பத்தில் பிரபுல்லா குமார் சர்க்கார் மற்றும் நிர்சாரினி சர்க்கார் தம்பதியருக்கு ஒரே குழந்தையாகப் பிறந்தார். கொல்கத்தா பல்கலைக்கழகத்துடன் இணைக்கப்பட்ட இசுகாட்டிசு பேராலயக் கல்லூரியில் பட்டம் பெற்றார்.[2] 1957 ஆம் ஆண்டு அசோக் குமார் தேசு இலக்கியப் பத்திரிகையில் ஆசிரியராகவும் ஆனந்த பசார் பத்திரிகா குழுமத்தின் இயக்குனராகவும் பொறுப்பேற்றார். 1958 ஆம் ஆண்டு பிரபுல்லா குமார் சர்க்கார் இறந்தவுடன் இவர் ஆனந்தபசார் பத்ரிகாவின் இரண்டாவது தலைமை ஆசிரியரானார். செய்தித்தாள்களில் ஆஃப்செட் எனப்படும் மாற்று அச்சு முறையை முதலில் தொடங்கியவர்களில் இவரும் ஒருவராவார். 1778 ஆம் ஆண்டு நதானியேல் பிராசி ஆல்கெட்டு என்பவர் முதல் வங்காள இலக்கணத்தை வெளியிட்ட 200 ஆண்டு நிறைவை முன்னிட்டு 1978 ஆம் ஆண்டில் வங்காள அச்சிடுதல் குறித்த ஒரு கண்காட்சியை அசோக் குமார் சர்க்கார் ஏற்பாடு செய்தார்.
1983 ஆம் ஆண்டு பிப்ரவரி மாதம் 17 ஆம் தேதி அசோக் குமார் இறந்தார்.
மேற்கோள்கள்
புற இணைப்புகள்
- ″A Centenary Tribute - Ashok Kumar Sarkar (1912-1983)″, The Telegraph (Calcutta), 7 October 2012. Retrieved on 29 July 2017.