Paramount Pictures
 | Ślabikŏrzowe abecadło Tyn artikel je narychtowany we ślabikŏrzowym zŏpisie ślōnskij gŏdki. Coby sie przewiedzieć wiyncyj, wejzdrzij do artikla ô nim. |
Paramount Pictures – amerikańske filmowe sztudio, kere zajmuje sie produkcyjōm a dystrybucyjōm filmōw. Mo siydzibã pod adresōm 5555 Melrose Avenue we Hollywood we sztacie Kaliforńijo[1]. Je ôno drugiym nojstarszym fungujōncym sztudiym we USA (zarŏzki po Universal Pictures) a piōntym nojstarszym na świecie[2]. Terŏzki je własnościōm korporacyje medialnyj ViacomCBS.
| Paramount Pictures | |
 Logo sztudia | |
| Siydziba | Hollywood, Kaliforńijo |
| Adresa | 5555 Melrose Avenue |
| Prezes | Brian Robbins |
| Dyrechtōr | Brian Robbins |
 Galeryjŏ we Wikimedia Commons | |
Sztudio ôstało założōne 8 mŏja 1912 roku bez Adolpha Zukora[3]. Bez dwa piyrsze lata istniyniŏ nosiyło miano Famous Players Film Company. Piyrszymi partnyrami Zukora byli Daniel Frohman a Charles Frohman. We 1914 roku prziwstoł do niego Jesse L. Lasky, posiedziciel niywielgigo sztudia Lasky Feature Play Company (szpōnzorowanego we tajle bez Samuela Goldwyna), dlŏ kerygo robiōł wōnczas jeszcze mało znōmy tyjatralny reżysyr Cecil B. DeMille (kery stŏć sie mioł potym renomowanym filmowym reżysyrym).
Terŏzki sztudio je tyż jednym ze nojsrogszych producyntōw a dystrybutōrōw telewizyjnych programōw a serialōw dlŏ telewizyjōw a kablowych necōw. Udostympniŏ bez 55 000 godzin swojigo programu na rok telewizyjnym necōm we 125 krŏjach, we 30 gŏdkowych wersyjach. We lutym 2006 roku ôgłosiło sprŏwōnek fyrmy DreamWorks[4].
We 2013 roku sztudio ôgłosiyło ôficjalne informacyjõ, iże nawrōcŏ do produkowaniŏ serialōw. We tym samym czasie reaktywowano działalność Paramount Television (terŏzki Paramount Television Studios)[5]. We 2014 roku było piyrszym srogim sztudiym we Hollywood, kere sztartło dystrybuować wszyjske swoje filmy głównie we cifrowyj formie.
