Nation of Islam

Nation of Islam (Kiarabu: أمة الإسلام‎, hufupishwa kama NOI) ni shirika la Kiislamu lenye harakati za kidini ambalo lilianzishwa mjini Detroit, Marekani, na Wallace D. Fard Muhammad tarehe 4 Julai, 1930.^[2] Malengo yake hasa ni kuboresha imani za kiroho, mtima, jamii na hali za kiuchumi za Wamarekani Weusi Waislamu wa Marekani na masuala mengine ya kibinadamu.^[3] Watahakiki wamelipa jina shirika kama kikundi cha mamlaka ya watu weusi, yaani, kama kikundi cha kuchochea chuki dhidi ya watu wasio weusi na Kikundi kisichowapenda Wayahudi,^[4][5][6] na NOI hutazamwa kama kikundi cha chuki na kituo cha Southern Poverty Law Center.^[7]

Nation of Islam

Ufupisho	NOI
Wito	"Haki au Vinginevyo!"
Mwanzilishi	Wallace Fard Muhammad
Limeanzishwa	Detroit, Michigan, U.S.
Aina	Harakati za kidini na kisiasa
Hali ya kisheria	Inafanyakazi
Makao Makuu	Mosque Maryam, Chicago, Illinois
Mahali	Marekani
Tanzu	American Society of Muslims Fruit of Islam
wavuti	noi.org

Gazeti lake rasmi ni The Final Call. Nation of Islam halichapishi idadi halisi ya wanachama wake; mwaka wa 2007, wanachama wao walikadiriwa kufikia kati ya 20,000 na 50,000.^[1]

Baada ya kutoweka kwa Fard mnamo Juni 1934, Nation of Islam liliongozwa na Elijah Muhammad, ambaye alianzisha mahali mbalimbali pa kuabudia ambapo alipaita (Mahekalu au Misikiti), shule iliyoitwa Muhammad University of Islam, mabiashara, mashamba, na mashamba makubwa na ujenzi wa majengo ambayo yalikuwa Marekani na nje ya Marekani.^[8] Wakati wa uongozi wa Elijah Muhammad, kulikuwa na makundi kibwena, yaani, mivutano baina ya watu hawa na wale hadi kupelekea kuondoka kwa kiongozi mkubwa katika shirika Bwana Malcolm X na kuamua kuwa dhehebu la Sunni. Baada ya kifo cha Elijah Muhammad mnamo 1975, mtoto wake Warith Deen Mohammed kabadili jina la jumuia na kuliita "World Community of Islam in the West" (na mara mbili baada ya hapo), na baadaye alijaribu kulirudisha shirika katika muundo mkuu wa Kiislamu wa itikadi za Kisunni.

Mwaka wa 1977, Louis Farrakhan alikataa uongozi wa Warith Deen Mohammed na kuainzisha upya Nation of Islam katika misingi ya awali. Kachukua hekalu ya makao makuu ya Nation of Islam, Mosque Maryam (Mosque #2), ambalo lipo Chicago, Illinois. Tangu 2010, chini ya Farrakhan, wanachama wanaonekana kuzidi.^[9]