Pulus

Pulus; Laportea macrostachya nyaéta tutuwuhan anu asalna tina kulawargga Urticaceae. ^[1]^[2] Daun sarta bagéan séjén tina ieu tutuwuhan baris ngabalukarkeun rasa ateul mun seug paantel jeung kulit.^[3] Pulus dina basa Inggris disebutna wood-nettle.^[4]

Lamun ditempo tina kaca husus (microskop), bulu-bulu anu aya dina tangkal pulus tungtungna henteu marencos malahan bulenek.^[5] Ngan lamun paantel jeung kulit ieu bulu baris potong, tah popotongan na ieu anu jadi méncos sarta bisa nyeceb kana kulit.^[5] Sabadana nyeceb kana kulit ieu tangkal baris ngaluarkeun hiji racun nu disebut asam kersik; asam format, anu ngabalukarkeun kulit karasa ateul jeung panas. ^[5] Mingkin digaro ieu rasa ateul malah leuwih nerekab ka mana-mana. ^[6]

Tempat hirup

Tangkal pulus mikaresep taneuh anu jemlek sarta kaiuhan, jarang katempo pulus hirup di tegalan anu taneuha garing.^[4] Ilaharna hirup sisi susukan atawa handapeun tangkal kai gedé, pulus katempo hirup di wewengkon anu perenahna 800-2000 luhureun beungeut cai laut (mdpl).^[7]

Ciri mandiri

Pulus kaasup tutuwuhan Terna bisa hirup nahun anapon perenial, Saperti kalolobaan tutuwuhan tina kulawargga Urticaceae ciri mandiri tayalian Mibanda bulu anu bakal karasa nyeureud mangsa paantel jeung kulit.^[8]Jangkung tangkalna kurang leuwih 80 cm, kembangan bulan Juni-Juli sarta buahna asak di bulan Agustus-Séptembér.^[4]