Zija Dibra
Zija Dibra (Dibra, 1890 - Harizaj, 20 janar 1925) qe ish-oficer e agjitator i xhonturqve[1], ushtarak, ministër i shtetit shqiptar[2][3], dhe revolucionar shqiptar i sovjetikëve[4].
Zija Dibra | |
|---|---|
 | |
| Ministër i Punëve Botore | |
| Në detyrë 16 tetor – 30 gusht 1935 | |
| Paraprirë nga | Mehdi bej Frashëri |
| Pasuar nga | Koço Tasi |
| Ministër i Luftës | |
| Në detyrë 6 dhjetor – 12 dhjetor 1921 | |
| Paraprirë nga | Isuf Gjinali |
| Pasuar nga | Shefki Kosturi |
| Të dhëna vetjake | |
| U lind më | 1890 Dibra, Perandoria Osmane |
| Vdiq më | 20 janar 1925 Harizaj, Republika Shqiptare |
| Nënshtetësia | Shqiptare |
| Partia politike | grupi "Lidhja e Shenjtë" |
| Arsimimi | Stamboll |
| Punësimi | ushtarak |
Jeta
Kreu një shkollë ushtarake në Stamboll, pati karrierë si ushtarak i lartë në ushtrinë osmane. Kthehet në Shqipëri më 28 mars 1921, ku emërohet min. i Punëve Botore në qeverinë Evangjeli. Qe ndër ministrat që provokuan krizën e dhjetorit për rrëzimin e kësaj qeverie[4].
Radhitet në krahun e opozitës, në atë që u quajt "Lidhja e Shenjtë"[1]. Spikati si njëri prej organizatorëve të kryengritjes së marsit 1922, më 5 prill 1922 dënohet me vdekje në mungesë. Sipas një marrëveshjeje u ra dakord të lihej të dilte nga Shqipëria[4]. Më 1923 gjendet në Vienë me Hasan Prishtinën[5] dhe Irfan Ohrin ku qe bërë pjesë e një organizate antizogiste të themeluar nga Aqif pashë Elbasani.[4]
Mbi bazën e një ujdie të bërë, lejohet të kthehet në Shqipëri. Falet më 2 qershor 1924 nga Kuvendi Kushtetues, kthehet në qershor të 1924. Përkrahu Lëvizjen e qershorit dhe qeverinë Noli të dalur pas saj.
Me ardhjen e Zogut në pushtet arratiset për në Jugosllavi, por autoritetet e atjeshme e kthejnë. I akuzuar në atdhe për "çështje bolshevike" më 20 janar 1925 u vendos të internohej prej Durrësit në Berat, i shoqëruar nga një aspirant i vetëm.
Në Harizaj të Kavajës, i iku aspirantit dhe u përpoq të arratisej me kalë. Pas thirrjeve të aspirantit, nuk u bind të kthehej dhe u gjuajt prej tij duke e kapur plumbi në kokë[2].