Shtëpia e Sekreteve

Në sezonin e parë, një nxënëse e re e quajtur Nina vjen sapo një nxënëse tjetër e quajtur Xhoi zhduket. Shoqja e ngushtë e Xhoit, Patrisia, mendon se Nina e ka fajin për zhdukjen e Xhoit dhe e detyron atë që të ngjitet në papafingo. Nina bën një zbulim shumë sekret në papfingo, një ditar të Sara Frobisher-Smaithit. Sara është një grua e moshuar dhe ajo mendon se Nina është e përzgjedhura, prandaj i jep një medalion. Nina dhe shokët e saj të grupit "SIBUNA", Fabiani dhe Amberi, duhet të fshehin Kupën e Ankh-ut.Në sezonin e dytë, nxënësit kthehen përsëri në shtëpinë Anubis. Nina gjen një shtëpi kukullash dhe vendos që Kupën e Ankh-ut ta fshehë në një vend më të mirë. Por sapo ajo prek kupën, një shpirt i quajtur Senkhara shfaqet dhe kërkon nga Nina që të gjejë Maskën e Anubisit, ndryshe ajo do vdesë. Nëpërmjet shtëpisë së kukullave, ajo dhe grupi SIBUNA do të futen poshtë shtëpisë për të kërkuar Maskën. Ndërkohë, në vend të Trudit ka erdhur një kujdestare e re që quhet Vera Devenish. Ajo po punon për Rufus Zenon, i cili është ende gjallë pas vdekjes së tij false.Në sezonin e tretë, në shtëpinë Anubis vijnë dy nxënëse të reja: KT Rush dhe Willow Jenks. Gjithashtu vjen edhe një mësuese e re e quajtur Harriet Denby e cila fsheh një trup njeriu në shtëpinë e saj. Nina nuk do të jetë më. Denby, z.Suit dhe Viktori do të përpiqen që të ringjallin trupin e Robert Frobisher-Smaith. Pasi Roberti ringjallet, do të ketë shumë prova për SIBUNËN, sepse Roberti do që bota të sundohet nga një perëndi e quajtur Ammut.

Anubis: Perëndia Ra - është filmi i parë i Anubisit. Titulli origjinal është The Touchstone of Ra. Është viti i fundit i nxënësve në shtëpinë Anubis dhe në shtëpi vijnë disa nxënës të rinj: Kejsi, Sofia, Dekster dhe Erin. Pas një udhëtimi që bëjnë në një muze, nxënësit duhet të përballen me një gur në formë piramide. Sofia del që është shërbëtorja e Ra-së dhe është e keqe. Ajo duhet të formojë piramidën e Ra-së, por Viktori dhe fëmijët e tjerë e ndalojnë. Viktori thotë se është fati i tij që ta ndalojë piramidën të ndërtohet. Sofia dështon ta rikthejë Ra-në dhe si dënim ngurtësohet nga Ra-ja. Ndërkohë, Edi humbet fuqitë e tij si Osirian duke shpëtuar të atin, ndërsa Viktori largohet përgjithmonë nga shtëpia Anubis. Në fund, fëmijët bëjnë një festë diplomimi. Duket se Mara dhe Fabiani janë lidhur së bashku.

Anubis Unlocked (Anubis i çkyçur) është një serial vazhdues mbi prapaskenat e serialit britanik Anubis. 10 episode janë bërë për sezonin e parë. Në këtë emision bëhen intervista me aktorët e serialit Anubis. Për sezonin e dytë nuk kishte një Anubis Unlocked. Por së shpejti do të dalë për sezonin e tretë.

Është shpallur nga rrjeti më i madh televiziv për fëmijë, Nickelodeon, se do të dalë një sezon i ri i serialit Anubis. Në 2014 pritet surpriza e sezonit të katërt të këtij seriali, por diçka që nuk do t'iu pëlqejë fansave është se do të mungojnë personazhet që ishin në fillim. Në këtë sezon do të vijnë nxënës të rinj në shtëpinë Anubis si: Kejsi, Dekster, Erni etj. E rëndësishme është që këta tre nxënës do të jenë pjesë e Sibuna.

Het Huis Anubis është seriali i parë Anubis që doli për herë të parë në Belgjikë.Das Haus Anubis është seriali i dytë Anubis që doli për herë të parë në Gjermani.House of Anubis është seriali i tretë Anubis që doli për herë të parë në Mbretërinë e Bashkuar. House of Anubis është seriali i Anubis më i përhapur në të gjithë botën, në vende si: Shqipëria, Italia, Spanja, Shtetet e Bashkuara të Amerikës, Portugalia, Turqia, Mbretëria e Bashkuar etj.

Seriali transmetohet çdo ditë në gjuhën shqipe në kanalin "Tip TV" për adoleshentë, i cili gjendet në platformën Tring Digital. Në shqip seriali thirret Shtëpia e Sekreteve.