Malcom
Malcom Filipe Silva de Oliveira (lindur më 26 shkurt 1997), ose thjesht Malcom ([ˈmawkõ]),[3] është një futbolliist profesionist brazilian i cili luan si sulmues për klubin spanjoll Barcelona.
.jpg) Malcom në stërvitje me Bordeaux në 2018 | |||
| Të dhënat vetjake | |||
|---|---|---|---|
| Emri i plotë | Malcom Filipe Silva de Oliveira[1] | ||
| Datëlindja | 26 shkurt 1997 | ||
| Vendlindja | São Paulo, Brazil[1] | ||
| Gjatësia | 1.72 m (5 ft 8 in)[1] | ||
| Pozicioni | Sulmues | ||
| Të dhënat e klubit | |||
Klubi aktual | Barcelona | ||
| Numri | 14 | ||
| Karriera me të rinjtë | |||
| 2008–2014 | Corinthians | ||
| Karriera me klube* | |||
| Vitet | Klubi | Ndeshje | (Golat) |
| 2014–2015 | Corinthians | 51 | (7) |
| 2016–2018 | Bordeaux | 84 | (20) |
| 2018– | Barcelona | 8 | (0) |
| Karriera ndërkombëtare | |||
| 2015 | Brazili U20[2] | 11 | (1) |
| 2016 | Brazili U23 | ||
| *Ndeshjet dhe golat me klubet llogariten vetëm për ligën vendase – redaktuar më 19:25, 9 mars 2019 (UTC) | |||
Ai filloi karrierën si profesionist tek Corinthians, duke debutuar në vitin 2014 dhe më pas fitoi Campeonato Brasileiro Série A një vit më vonë. Në janar 2016, ai u transferua tek Bordeaux në Francë, duke luajtur gjithsej 96 ndeshje në dy vite e gjysëm. Në verën e vitit 2018, ai u bashkua me gjigandët e Barcelonës për 41 milion €.
Karriera me klube
Corinthians
Malcom ka lindur në São Paulo, dhe nisi karrierën e tij futbollistike me klubin e qytetit, Corinthians. Në fillim të vitit 2014, ai shkëlqeu në ekipin që doli në vend të dytë të Copa São Paulo de Futebol Júnior mbrapa Santos.[4]
Ai u thirr në ekipin e parë nga trajneri Mano Menezes dhe debutoi si profesionist më 19 mars 2014 në ndeshjen e raundit të parë të Copa do Brasil jashtë fushe kundër Bahia de Feira, duke luajtur në dhjetë minutat e fundit të fitores 2–0 në vend të Jádson.[5] Katër ditë më vonë ai luajti ndeshjen e vetme të tij në Campeonato Paulista, duke hyrë sërisht nga fundi në vend të Lucianos me ekipin që fitoi 3–0 në shtëpi.[6]
Malcom bëri debutimin e tij në Campeonato Brasileiro Série A më 27 prill 2014, si një zëvëndësim i Romarinhos, në një fitore 2–0 kundër Flamengo. Malcom shënoi golin e parë si profesionist më 18 shtator në barazimin 1–1 ndaj Chapecoense në Arena Corinthians ku ai shënoi golin hapës të takimit.[7]
Ai ishte një lojtar i rregullt i ekipit të parë gjatë sezonit 2015 të Campeonato Brasileiro Série A. Ai luajti gjithsej 70 ndeshje dhe shënoi 10 gola gjatë kohës së tij me klubin.[2]
Bordeaux
.jpg)
Ekipi francez Bordeaux siguroi shërbimet e Malcom më 31 janar 2016, duke zëvëndësuar Wahbi Khazri i cili kaloi tek Sunderland. Klubi pagoi 5 milion € për gjysmat e të drejtave ekonomike të tij.[8][9][10]
Ai debutoi në Ligue 1 një javë më vonë, duke luajtur si titullar në humbjen 4–1 përballë Saint-Étienne; ai luajti për 69 minuta para se të zëvëndësohej nga Thomas Touré.[11] Më 10 shkurt, ai shënoi golin e parë për ekipin në ndeshjen e raundit të 16-tave të Coupe de France, duke i dhënë Girondins avantazhin e përkohëshëm 3–2 në humbjen 3–4 në kohën shtesë ndaj Nantes.[12] Atij ju desh të priste 30 prillin për të dhënë asistin e parë, i cili ishte për Cheick Diabaté, në një fitore 4–2 në Troyes, kurse një javë më vonë, ai shënoi golin e vetëm të ndeshjes kundër Lorient.[13]
Më 27 shtator 2017, Malcom firmosi një kontratë të re me klubin që do të zgjaste deri në qershor 2021.[14] Sezoni i tij i fundit me klubin ishte më i suksesshëm në aspektin personal; ai shënoi 12 gola në kampionat. Golat e parë erdhën më 19 gusht në barazimin 3–3 kundër Lyon, përfshirë edhe golin e barazimit në kohën shtesë me një gjuajtje nga distanca.[15]
Pas disa performancave pozitive ai u bë shpejt një nga lojtarët e preferuar të tifozëve,[16] dhe në tre sezone në klub shënoi 23 gola në 96 ndeshje në të gjitha kompedicionet.[17] Goli i tij nga distanca kundër Dijon më 1 dhjetor 2017 fitoi çmimin "Goli i Sezonit" nga Trophées UNFP du football.[18]
Barcelona
Më 24 korrik 2018, klubi spanjoll Barcelona lajmëroi transferimin e Malcom në një marrëveshje pesë-vjeçare për një shumë të raportuar prej 41 milion € plus 1 milion € bonuse.[19] Corinthians përfitoi 2.5% të shifrës.[20]
Para këtij transferimi Malcom ishte shumë pranë firmës me klubin italian Roma, tifozët e të cilit kishin dalë në aeroport për ta pritur.[21] Drejti sportiv Monchi deklaroi se klubi do të vepronte ligjërisht kundër Barcelonës.[22]
Për shkak të kufizimeve për lojtarët pa pasaporta të Bashkimit Evropian, Malcom u ja jashtë ekipit që fitoi trofeun e 2018 Supercopa de España.[23] Më 25 gusht, ai bëri debutimin e tij zyrtar me ekipin në fitoren 1–0 kundër Real Valladolid në José Zorrilla, duke zëvëndësuar brazilianin tjetër Philippe Coutinho në gjashtë minutat e fundit të takimit.[24] Më 6 nëntor, Malcom shënoi golin e parë zyrtar me klubin në barazimin 1–1 jashtë fushe kundër Interit në UEFA Ligën e Kampioneve.[25]
Karriera ndërkombëtare
Karriera ndërkombëtare e Malcom nisi në vitin 2015 kur ai u thirr në kombëtaren U20 për të luajtur në Kampionatin U–20 të Amerikës së Jugut, ku ai shënoi një gol në gjashtë ndeshje me Seleçãon që e mbylli në vendin e katërt.
Më vonë po në atë vit, ai u thirr si zëvëndësuesi i Kenedy për të luajtur në Kupën e Botës U20 në Zelandën e Re.[26] Malcom luajti në pesë ndeshje, përfshirë edhe finalen, të cilën Brazili e humbi kundër Serbisë.[2]
Në shtator 2018, Malcom u thirr për herë të parë në ekipin e të rriturve nga trajneri Tite për ndeshjet miqësore kundër Arabisë Saudite dhe Argjentinës.[27]
Jeta personale
Malcom i është vënë emri prej aktivistit afrikano amerikan Malcolm X nga babai i tij.[4]
Në korrik 2015, autoritetet vendore të Sao Paulos zbuluan një skemë mashtrimi që zbulonte se Malcom kishte marrë lejen e qarkullimit – e cila zakonisht do rreth tre muaj praktikë – njëzetë ditë para ditëlindjes së tij të 18të.[28]
Malcom ka marrë kritika nga mediat për sjellen e tij tek Bordeaux: në shtator 2017, ai doli një foto me lojtarin kundërshtar Neymar pas një humbje të rëndë ndaj Paris Saint-Germain,[4] dhe tre muaj më pas ai dhe shokët e tij të skuadrës nga i njëjti vend filmuan një video argëtimi jashtë stadiumit pas një humbje.[29]
Statistikat e karrierës
Klube
Redaktuar më 2 dhjetor 2018
| Klubi | Sezoni | Liga | Kupa[a] | Kupa e ligës[b] | Kontinenti | Tjetër | Gjithsej | |||||||
|---|---|---|---|---|---|---|---|---|---|---|---|---|---|---|
| Divizioni | Ndsh | Gola | Ndsh | Gola | Ndsh | Gola | Ndsh | Gola | Ndsh | Gola | Ndsh | Gola | ||
| Corinthians | 2014[2] | Série A | 20 | 2 | 3 | 0 | — | 0 | 0 | 1[c] | 0 | 24 | 2 | |
| 2015[2] | Série A | 31 | 5 | 2 | 0 | — | 3[d] | 0 | 10[c] | 3 | 46 | 8 | ||
| Gjithsej | 51 | 7 | 5 | 0 | — | 3 | 0 | 11 | 3 | 70 | 10 | |||
| Bordeaux | 2015–16[2] | Ligue 1 | 12 | 1 | 1 | 1 | 0 | 0 | 0 | 0 | — | 13 | 2 | |
| 2016–17[2] | Ligue 1 | 37 | 7 | 4 | 2 | 4 | 0 | — | — | 45 | 9 | |||
| 2017–18[2] | Ligue 1 | 35 | 12 | 1 | 0 | 0 | 0 | 2[e] | 0 | — | 38 | 12 | ||
| Gjithsej | 84 | 20 | 6 | 3 | 4 | 0 | 2 | 0 | — | 96 | 23 | |||
| Barcelona | 2018–19 | La Liga | 5 | 0 | 1 | 0 | — | 2 | 1 | 0 | 0 | 8 | 1 | |
| Gjithsej karriera | 140 | 27 | 12 | 3 | 4 | 0 | 7 | 1 | 11 | 3 | 174 | 34 | ||
Trofe
Klube
Corinthians[30]
- Campeonato Brasileiro Série A: 2015
Kombëtarja
Brazil U20
- FIFA U–20 Kupa e Botës ndjekës: 2015[31]
Personale
- Ligue 1 Goli i Vitit: 2017–18[18]