Delfini hundëshishe
Delfini hundëshishe (Tursiops truncatus) është lloj delfini, që i takon familjes Delphinidae. Delfinët janë ndër gjitarët detarë më të njohur dhe më të dashur, kurse delfini hundëshishe është me siguri lloji më i njohur dhe më i përhapur në grupin e delfinëve. Në famën e tyre ka kontribuar shfaqja e tyre nëpër parqe detare, në akuariume (delfinariume), si dhe në filma dhe programe televizive.[1] Delfini hundëshishe është lloji më i madh i delfinëve me sqep.[2] Ata popullojnë oqeanet e buta dhe të qeta nëpër botë, ndërsa nuk gjinden vetëm nëpër ujrat polarë.[1][2][3][4][5]
| Delfini hundëshishe | |
|---|---|
 | |
 | |
| Madhësia e delfinit krahasuar me madhësinë e një njeriu mesatar | |
| Klasifikimi shkencor | |
| Mbretëria: | |
| Filumi: | |
| Klasa: | |
| Rendi: | |
| Nënrendi: | |
| Familja: | |
| Gjinia: | Tursiops |
| Nënlloji: | T.t.truncatus T.t.poncticus |
| Emri binomial | |
| Tursiops truncatus (Montagu, 1821) | |
 | |
| Shpërndarja e delfinëve hundëshishe | |
Të gjithë delfinët hundëshishe ishin njohur më parë si T. truncatus, por kohëve të fundit kjo gjini është ndarë në tre lloje: T. truncatus, T. aduncus (delfini hundëshishe indopaqësor)[4][5] dhe T. australis (delfini Burrunan). Delfinët banojnë në detra të ngrohtë dhe të butë në të gjithë botën. Ndryshime të konsiderueshme gjenetike janë përshkruar në mesin e anëtarëve të këtij lloji,madje midis popullatave fqinje, dhe kështu shumë ekspertë besojnë se shumë lloje mund të përfshihen brenda T. truncatus.[6][7]