සන්නිදර්ශකයා
සන්නිදර්ශකයකු යනු කිසියම් පඨිතයක අන්තර්ගතය දෘශ්‍යමය නිරූපණයක් ලෙස නිර්මාණය කිරීම මඟින් එකී ලිවීම තවත් උසස් තත්ත්වයකට පත්කිරීම සම්බන්ධයෙන් විශේෂඥතාවයක් අත්කරගත් ග්‍රැෆික් චිත්‍ර ශිල්පියෙකි. ලිවීමක් තුළ පැහැදිලි කිරීම අසීරු සංකීර්ණ සංකල්පයන් හෝ ද්‍රව්‍යයන් පැහැදිලි කිරිම සඳහා මෙන්ම සුබපැතුම්පත් හෝ පොත්, සඟරා ආදිය සඳහා කවර සිතුවම් හෝ පෝස්ටර් වැනි ප්‍රචාරණයන් සඳහාද සන්නිදර්ශක යොදාගනු ලැබේ.
වර්තමානයේ බොහොමයක් සන්නිදර්ශකයෝ සිය ජීවිකාව උපයා ගන්නේ ළමා පොත්, ප්‍රචාරණය, පුවත්පත් හෝ සඟරා ආදියට සිය නිර්මාණ දායකත්වය ලබාදීමෙනි. මෙම ක්ෂේත්‍රය තුළ සාම්ප්‍රදායිකවම තීන්ත සහ පෑන උපයෝගී කරගනිමින් නිර්මාණ කරන චිත්‍ර ශිල්පීහු අධිපතිත්වය දරති.
පරිගණකවලින් මෙම කර්මාන්තය ඉමහත් වෙනසකට භාජනය කොට ඇති අතර වර්තමානයේ වානිජ සන්නිදර්ශකයන් බොහොමයක් සිය නිර්මාණ කටයුතු සඳහා පරිගණක යොදාගනු ලැබේ.
කෙසේ වෙතත් සාම්ප්‍රදායික සන්නිදර්ශක න්‍යායන් තවමත් පොත් සන්නිදර්ශන ක්ෂේත්‍රය තුළ ජනප්‍රියව පවතී. දිය සායම්, තෙල් සායම්, පැස්ටල්, ලී කැටයම්, ලයිනෝකඩ සහ පෑන් හා තින්ත සාම්ප්‍රදායිකව යොදාගනු ලැබූ සන්නි දර්ශක ශිල්පක්‍රමයන් විය.
සන්නිදර්ශකයකු වීම සඳහා විධිමත් සුදුසුකමක් අවශ්‍ය නොවේ. කෙසේවෙතත් පිළිගත් සන්නිදර්ශකයින් කිසියම් ආකාරයක චිත්‍ර පාසැලක හෝ විද්‍යාලයකට බැඳී විවිධ ඇඳීමේ ශිල්පක්‍රමයන් පිළිබඳව පුහුණුව ලබාගත්තෝ වෙති. චිත්‍ර කලා විද්‍යාලයන් හා විශ්ව විද්‍යාල සන්නිදර්ශනය පිළිබඳ නව පාඨමාලාවන්, උදාහරණයක් ලෙස එක්සත් රාජධානියේ මේ විෂය සඳහා ශාස්ත්‍රවේදී උපාධියක් හඳුන්වාදී ඇත. හඳුන්වාදී ඇති අතර එය වෘත්තියට ඇතුලත්වීමේ නව මාර්ගයන් බවට පත්ව ඇත.
බොහොමයක් සන්නිදර්ශකයෝ ප්‍රකාශකයින් (පුවත්පත්, පොත් හෝ සඟරාවන්හි) හෝ ප්‍රචාරණ ආයතන විසින් නිදහස් සේවා පදනම මත බඳවාගත්තෝ වෙති. විද්‍යාත්මක හා තාක්‍ෂණික සන්නිදර්ශකයන්ගෙන් බහුතරයක් තොරතුරු ග්‍රැෆික් නිර්මාණ ශිල්පීන් ලෙසින් හඳුන්වනු ලැබේ. මොවුන් අතරින් විශේෂඥයින් වන්නේ මිනිස් සිරුර සන්නිදර්ශනය කරන වෛද්‍ය විද්‍යාත්මක සන්නි දර්ශකයින්ය. මේ සඳහා වසර ගණනාවක සෞන්දර්යාත්මක මෙන්ම වෛද්‍ය විද්‍යාත්මක පුහුණුවක්ද අවශ්‍ය වෙයි.