Arkhangai Province

The Arkhangai aimag is locatit in the interior o the kintra and borders tae the follaein ither aimags: Bulgan (north east), Övörkhangai (sooth east), Bayankhongor (sooth), Zavkhan (wast), an Khövsgöl (north wast).

The heicest point is Kharlagtai Peak at 3,529 m (11,578 ft), while the lawest point is the aurie on the confluence o the Orkhon an Tamir rivers at 1,290 m (4,232 ft). The maist well-kent muntain is the extinct volkano Khorgo, which is pairt o the Khorgo-Terkhiin Tsagaan Nuur Naitional Pairk.

The rivers Chuluut, Khanui, an Tamir hae their oreegins in the valleys o the Khangai Muntains. Thegither wi some smawer tributaries they aw belang tae the wattershed o the Selenge. The Orkhon traverses the eastren end o the aimag for a short stretch an aw.

The lake Terkhiin Tsagaan Nuur is locatit in the west. Accordin tae a legend it wis creatit whan a giant teuk a lairge rock an threw it awa. Leukin back he saw a white surface an exclaimit in surprise, "Leuk, a white lake!" The exclamation haes become the name o the lake. The rock endit up farther tae the east an is cried Taikhar Chuluu. The sma lake Ögii Nuur is locatit in the eastren pairt o the aimag in the Sum o the same name.

Efter the Fowk Revolution wan in 1921 throuoot Mongolie, reforms in admeenistrative unit wur made an the Tsetserleg Mandal Uul aimag wis established on the foondation o Sain Noyon Khan aimag. Arkhangai aimag wis formit frae pairts o the Tsetserleg Mandal Uul aimag in 1931. At that time, the aimag haed 35 sums, 65,333 inhabitants in 22,285 hoosehaulds, an 1,800,000 heid o livestock. The aimag centre Tsetserleg wis established at the steid o the Zaya Khüree monastery, which haed been first foondit in 1586.

Arkhangai covers 55,313.82 km² (21,357 sq mi), an haed 89,282 citizens in 2008,^[1] in Dec. 31 2009 89,331^[2] who live in 19 sums an 99 bags (subdestricts)

There are currently nae flichts tae Tsetserleg's airport. The Post Bus travels daily tae Tsetserleg throu Kharkhorin, leavin frae Dragon Centre in Ulaanbaatar at 8:00 am. The price o a ticket is aroond 20,000 MNT. Sma microbuses travel daily tae Tsetserleg an aw, but are hintle less reliable.

In winter mean temperatur is −30 °C tae −38 °C (−22 °F tae −36 °F) an in simmer the heichest temperatur is atween 25 °C an 36 °C (77 °F an 97 °F).

The main field o economie in the aimag is agricultur, predominantly animal husbandry. Accordin tae 2004 data, the aimag wis hame tae 1,948,000 domestic animals: goats, sheep, cattle (incl. yaks an khainags), horse an camels. Camels are amaist exclusively herdit in the sootheastren sums.^[3]

The aimag caipital Tsetserleg is geografically locatit in the Bulgan sum in the sooth o the aimag. It is no tae be ramfeeselt wi the Tsetserleg sum in the north.

^* - The aimag capital Tsetserleg