Сергей Лозница
Сергей Владимирович Лозница (белор. Сяргей Уладзіміравіч Лазніца, укр. Сергій Володимирович Лозниця) диэн Беларусьтан төрүттээх Украина киинэ режиссера.
| Сергей Лозница | |
|---|---|
 Карловы Вары иллэрдээҕи киинэ фестивала, 2010 сыл | |
| Төрөөбүтэ | 1964 балаҕан ыйын 5 Барановичи, БССР, ССРХ |
| Идэтэ | Киинэ режиссера, сценарист |
| Үлэтин сыллара | 1996–билигин |
Олоҕун олуктара
Сергей Лозница 1964 сыл балаҕан ыйын 5 күнүгэр Барановичи хотоҕо төрөөбүтэ. Дьоно кэлин Киевка көспүттэрэ. Манна орто оскуоланы бүтэрбитэ. 1981-1987 сылларга Киев политехника институтугар салалта тутумталарын факультетын туһаныылаах математика кафедратыгар үөрэммитэ. 1987-1991 сылларга Кибернетика институтугар үлэлээбитэ. 1991 сылга Арассыыйаҕа көспүтэ. 1991-1997 сылларга ВГИК оонньуу киинэтин салаатыгар үөрэммитэ (үөрэтээччитэ Нана Джорджадзе). 1997 сылга үөрэҕин туйгуннаахтык бүтэрбитэ. 2000 сылга Санкт-Петербург документал киинэ студиятыгар режиссерынан үлэлээбитэ. 2001 сылтан ыла Германияҕа олорор. 2022 сылга Нуучча-Украина сэриитэ саҕаламмытын кэннэ Эуропа киинэ академията нуучча киинэлэрин бойкоттуурга ыҥырыытын утарбыта. Бу иһин 2022 сыл кулун тутар 18 Украина киинэ академията Лозницаны туораппыта уонна мантан ыла кини бэйэтин "Украина режиссера" дэнэр көҥүлэ суох диэн биллэрбитэ. "Мин Украина режиссера буоларым курдук буолабын" диэн Лозница аһаҕас суругар хоруйдаабыта.
Дьиэ кэргэнэ
Ойохтоох, икки кыыстаах.
Фильмографията
Уус-уран киинэлэр
- 2010: Мин дьолум (Счастье мое)
- 2012: Тумаҥҥа (В тумане)
- 2017: Нүкэн (Кроткая)
- 2018: Донбасс
Документал киинэлэр
- 2002: Портрет
- 2005: Блокада
- 2009: Представление
- 2014: Майдан
- 2015: Событие
- 2016: Аустерлиц
- 2018: Процесс
- 2018: День победы
- 2019: Государственные похороны
- 2021: Бабий Яр. Контекст
- 2021: Господин Ландсбергис