نیمبو

ایہ اک مدرے ناپ دا بوٹا اے۔ ایہدے پتے گوڑے ہرے ہوندے نیں۔ گرمیاں وچ نکے تے چٹے رنگ دے پھل لگدے نیں جیہڑے اگے چل کے نمبو بندے نیں۔

ایہ فروٹ گول ہوندا اے تے ایہدا رس کھان پین تے ہور کماں وچ ساری دنیا وچ ورتیا جاندا اے۔ ایہدا گودا تے چھلڑ وی ورتے جاندے نیں۔ ایہدے وچ 5% توں 6% سٹرک ایسڈ ہندا اے جس باہجوں ایہدا سواد کھٹا ہندا اے۔ ایہدا اولڑا سواد ای ایہنوں کھان پین وچ اک لوڑی دی شے بناندا اے۔

نمبو دا اصل دیس پک نال نہیں پتہ پر ایہ سوچ اے جے ایہ برما، ہندستان تے چین دی رلدی ولگن تے ایہ پہلے ہوندا سی۔ انسان ایہنوں پچھلے 2 ہزار وریاں توں ورت ریا اے۔