جھیل ایری

جھیل ایری
دا حصہ	وڈیاں جھیلاں [۱]
نقشہ
انتظامی تقسیم
ملک	کینیڈا [۲] امریکا [۳][۲]  [۴]
وقوع تھاں	اونٹاریو ،  مشیگن ،  پنسلوانیا ،  نیو یارک ،  لیک کاؤنٹی، اوہائیو [۳]
طاس دیس	کینیڈا امریکا
طاس رقبہ	58800 مربع کلومیٹر
پانی کھلوݨ ویلہ	2.6 ورھا [۵]
تقسیم اعلیٰ	اونٹاریو ،  مشیگن ،  پنسلوانیا ،  نیو یارک ،  لیک کاؤنٹی، اوہائیو [۳]
جغرافیائی خصوصیات
متناسقات	42°15′00″N 80°59′59″W / 42.25°N 80.999722222222°W / 42.25; -80.999722222222 [۲]  [۶]
رقبہ	25744 مربع کلومیٹر [۱]
لمبا‏ئی	388 کلومیٹر
چوڑآئی	92 کلومیٹر
گہرائی	64 میٹر ،  65 میٹر [۱]
احاطہ	1369 کلومیٹر
پانی حجم	483000 cubic hectometre
بلندی	173 میٹر [۷]
جیو رمز	6048360[۸]،  5153380[۸]
[مکمل اسکرین پر]
ترمیم

جھیل ایری پنج عظیم جھیلاں (امریکا) چوں چوتھے نمبر تے اے تے دنیا بھر چ دسویں وڈی جھیل اے ۔ ایہہ جھیل اینہاں پنجاں جھیلاں چوں سب توں گھٹ ڈوہنگی تے پانی دی مقدار دے اعتبار نال اینہاں چوں سبتوں نکی اے ۔ اس دے اتلے چ کینیڈا دا صوبہ اونٹاریو ۔ دکھن چ امریکہ ریاستا‍ں اوہائیو ۔ پنسلوانیا تے نیو یارک ، لہندے چ ریاست مشیگن اے ۔ اس جھیل دا ناں مقامی قبیلے ایری دے نال تے رکھئیا گئیا اے جہڑا اس جھیل دے دکھنی کنڈے تے آباد سی ۔

اس جھیل دا کل رقبہ 25، 745 مربع کلومیٹر اے ۔ ایہہ 388 کلومیٹر لمبی تے 92 کلومیٹر چوڑی اے ۔ایہہ عظیم جھیلاں (امریکا) چوں سبتوں گھٹ ڈوہنگی اے تے اسدی اوسط گہرائی 19 میٹر اے ۔ اسدی ودھ توں ودھ گہرائی 64 میٹر اے ۔ گھٹ ڈوہنگی ہون پاروں ایہہ عظیم جھیلاں چوں سبتوں تتی(گرم) اے ۔

جھیل ایری چ سبتوں زیادہ پانی دریائے ڈیٹرائٹ توں آندا اے تے دریائے نیاگرا تے نیاگرا جھیل توں ہندا ہوئیا جھیل اونٹاریو چ جا ڈگدا اے ۔ دوجے وڈے دریاواں چ دریائے گرینڈ ، دریائے ہرون ، دریائے ماومی ، دریائے سینڈسکی تے دریائے کویا ہوگا شامل نیں ۔

جھیل ایری دا بھرن دا کل ویلا 2.6 سال اے جہڑا اس سلسلے دیاں دوجیاں جھیلاں توں گھٹ اے ۔

جھیل ایری چ پانی دی سطح موسم نال بدلدی رہندی اے ۔ جنوری تے فروری چ سبتوں گھٹ پانی تے جون تے جولائی چ سبتوں ودھ پانی ہندا اے ۔

یورپی لوکاں دے آن توں پہلے جھیل دے چڑھدے کنڈے تے مقامی لوکاں دے کئی قبیلے آباد سن ۔ایری قبیلہ جھیل دے دکھنی کنڈے تے آباد سی تے نیوٹرلز اتلے کنڈے تے رہندے سن ۔

1669ء چ فرانسیسی لوئیس جولیٹ ایتھے آن آلا پہلا یورپی سی جس نے جھیل ایری دا مشاہدہ کیتا ۔ اینہاں عظیم جھیلاں چوں جھیل ایری تک یورپی سبتوں آخر چ پہنچے ۔ مہم جو لوک جھیل اونٹاریو توں نکلن آلے دریاواں دے نال نال چلدے ہوئے ایتھے تک اپڑے ۔

• جھیل ایری ڈریکٹری Archived 2012-02-04 at the وے بیک مشین
• جھیل ایری دے جزیرے
• عظیم جھیلاں
• [۱]
• نیشنل جیوگرافک