Psè

Psè (Pecetto Torinese an italian) a l'é un comun ëd 3.852 abitant ^[1] dla sità metropolitan-a 'd Turin.

As treuva a 11,5 chilòmeter da Turin, a n'autëssa 'd 407 méter.

Ant ël 1978 ij giornaj a publicavo che a Psè ant un rivo a l'era trovasse un cit piolòt ëd selce che a smijava dël Paleolìtich. Sòn a sarìa n'event motobin rèir ant ël turinèis, andoa për sòlit le marche dl'òmo a son nen tant veje. Al dì d'ancheuj as resta pì portà a pensé che a peula esse stait un tajarin dl'Età dl'aram ^[2].

La comun-a dë Psè a l'é stàita fondà j'11 ëd gené dël 1224 da 75 cap ëd famija ëd Covacio (tacà a Cher), con ëstrument dij nodar Giaco e Bòsch.

Psè a l'é arnomà për soe produssion ëd cerese.Për sòn, la mascra dël pais a l'é la Bela Ceresera.

Ël sìndich a l'é Renato Filippa (dal 27/05/2019).

• Sit istitussional