ਹੈਂਸਲ ਐਂਡ ਗਰੇਟਲ : ਵਿਚ ਹੰਟਰਸ

ਹੈਂਸਲ ਐਂਡ ਗਰੇਟਲ: ਵਿੱਚ ਹੰਟਰਸ ਇੱਕ 2013 ਡਾਰਕ ਫੈਂਟਸੀ ਐਕਸ਼ਨ ਕਾਮੇਡੀ ਡਰਾਉਣੀ ਫ਼ਿਲਮ ਹੈ ਜੋ ਟੌਮੀ ਵਿਰਕੋਲਾ ਦੁਆਰਾ ਲਿਖੀ ਅਤੇ ਨਿਰਦੇਸ਼ਤ ਕੀਤੀ ਗਈ ਹੈ। ਇਹ ਇੱਕ ਜਰਮਨ ਲੋਕਧਾਰਾ ਦੀ ਇੱਕ ਕਹਾਣੀ " ਹੈਂਸਲ ਅਤੇ ਗਰੇਟਲ " ਉੱਪਰ ਆਧਾਰਿਤ ਹੈ। ਇਸ ਫ਼ਿਲਮ ਦੇ ਪਲਾਟ ਵਿੱਚ ਸਿਰਲੇਖ ਵਿੱਚ ਦੱਸੇ ਗਏ ਨਾਂ ਵਾਲੇ ਭੈਣ-ਭਰਾ ਹੈਂਸਲ ਤੇ ਗਰੇਟਲ ਹੁਣ ਵੱਡੇ ਹੋ ਗਏ ਹਨ ਅਤੇ ਪੇਸ਼ੇ ਵਜੋਂ ਜਾਦੂ ਕਰਨ ਵਾਲਿਆਂ ਦੀ ਜੋੜੀ ਦੇ ਤੌਰ 'ਤੇ ਕੰਮ ਕਰ ਰਹੇ ਹਨ। ਫ਼ਿਲਮ ਵਿੱਚ ਮੁੱਖ ਭੂਮਿਕਾਵਾਂ ਵਿੱਚ ਜੇਰੇਮੀ ਰੇਨਰ ਅਤੇ ਗੇਮਾ ਅਰਟਰਨ ਹਨ ਤੇ ਉਨ੍ਹਾਂ ਦੇ ਸਹਾਇਕ ਭੂਮਿਕਾਵਾਂ ਵਿੱਚ ਫੈਮਕੇ ਜੈਨਸਨ, ਪੀਟਰ ਸਟੌਰਮੇਅਰ, ਥਾਮਸ ਮਾਨ, ਪੀਹਲਾ ਵਿਟਾਲਾ ਅਤੇ ਡੇਰੇਕ ਮੀਅਰਸ ਆਦਿ ਦੇ ਨਾਂ ਸ਼ਾਮਿਲ ਹਨ।

2010 ਵਿੱਚ, ਗੈਰੀ ਸੈਂਚੇਜ਼ ਪ੍ਰੋਡਕਸ਼ਨ ਦੁਆਰਾ ਪਹੁੰਚ ਕੀਤੇ ਜਾਣ ਤੋਂ ਬਾਅਦ ਵਿਰਕੋਲਾ ਨੇ ਫ਼ਿਲਮ ਬਣਾਉਣ ਲਈ ਪੈਰਾਮਾਉਂਟ ਪਿਕਚਰਜ਼ ਅੱਗੇ ਪ੍ਰਸਤਾਵ ਰੱਖਿਆ। ਰੇਨਰ ਨੂੰ ਸਤੰਬਰ 2010 ਵਿੱਚ ਹੈਂਸਲ ਦੇ ਕਿਰਦਾਰ ਲਈ ਚੁਣਿਆ ਗਿਆ ਸੀ ਜਦੋਂ ਕਿ ਜਨਵਰੀ 2011 ਵਿੱਚ ਆਰਟਰਟਨ ਨੂੰ ਗਰੇਟਲ ਲਈ ਚੁਣੇ ਜਾਣ ਤੋਂ ਪਹਿਲਾਂ ਇਸ ਕਿਰਦਾਰ ਲਈ ਨੂਮੀ ਰੈਪੇਸ ਦਾ ਨਾਂ ਸੋਚਿਆ ਗਿਆ ਸੀ। ਪ੍ਰਿੰਸੀਪਲ ਫੋਟੋਗ੍ਰਾਫੀ ਮਾਰਚ, 2011 ਵਿੱਚ, ਜਰਮਨੀ ਵਿੱਚ ਬੈਬਲਸਬਰਗ ਸਟੂਡੀਓ ਵਿੱਚ ਸ਼ੁਰੂ ਹੋਈ। ਫ਼ਿਲਮਾਂਕਣ ਵੀ ਉਸੇ ਸਾਲ ਜੂਨ ਵਿੱਚ ਹੋਇਆ। ਇਹ ਫ਼ਿਲਮ ਅਸਲ ਵਿੱਚ ਵਿੱਚ ਮਾਰਚ 2012 ਵਿੱਚ ਰਿਲੀਜ਼ ਹੋਣ ਲਈ ਤੈਅ ਕੀਤੀ ਗਈ ਸੀ ਪਰ ਬਾਅਦ ਵਿੱਚ ਫ਼ਿਲਮ ਨੂੰ ਐਵੇਂਜਰਜ਼ ਅਤੇ ਦਿ ਬੌਰਨ ਲੀਗੇਸੀ ਫ਼ਿਲਮਾਂ ਵਿੱਚ ਵੀ ਰੇਨਰ ਦੀ ਭੂਮਿਕਾ ਹੋਣ ਕਾਰਨ ਇਸ ਫ਼ਿਲਮ ਨੂੰ 10 ਮਹੀਨੇ ਅੱਗੇ ਵਧਾ ਦਿੱਤਾ ਗਿਆ।

ਹੈਂਸਲ ਅਤੇ ਗਰੇਟਲ: ਵਿੱਚ ਹੰਟਰਸ ਨੂੰ 25 ਜਨਵਰੀ, 2013 ਨੂੰ 2 ਡੀ, 3 ਡੀ, ਅਤੇ ਆਈਮੈਕਸ 3 ਡੀ ਦੇ ਨਾਲ- ਨਾਲ ਡੀ-ਬਾਕਸ ਮੋਸ਼ਨ ਥੀਏਟਰਾਂ ਅਤੇ ਅੰਤਰਰਾਸ਼ਟਰੀ 4 ਡੀ ਐਕਸ ਥੀਏਟਰਾਂ ਵਿੱਚ ਰਿਲੀਜ਼ ਕੀਤਾ ਗਿਆ ਸੀ। ਫ਼ਿਲਮ ਮੁੱਖ ਧਾਰਾ ਦੇ ਬਹੁਤੇ ਆਲੋਚਕਾਂ ਦੇ ਨਿਸ਼ਾਨੇ 'ਤੇ ਰਹੀ। ਖ਼ਾਸਕਰ ਕਈਆਂ ਨੇ ਇਸ ਨੂੰ ਕਮਜ਼ੋਰ ਸਕ੍ਰਿਪਟ ਅਤੇ ਭਿਆਨਕ ਹਿੰਸਾ ਦੀ ਫ਼ਿਲਮ ਕਰਾਰ ਦਿੱਤਾ। ਹਾਲਾਂਕਿ ਡਰਾਉਣੀ ਸ਼ੈਲੀ ਦੀਆਂ ਫ਼ਿਲਮਾਂ ਦੇ ਬਹੁਤੇ ਆਲੋਚਕਾਂ ਨੇ ਇਸ ਨੂੰ ਸਕਾਰਾਤਮਕ ਨਜ਼ਰੀਏ ਵਾਲੀ ਦੱਸਿਆ। ਫ਼ਿਲਮ ਨੂੰ ਬੇਮਿਸਾਲ ਮਨੋਰੰਜਨ ਵਜੋਂ ਵੇਖਦੇ ਸਨ. ਫ਼ਿਲਮ ਨੇ ਆਪਣੇ ਸ਼ੁਰੂਆਤੀ ਸ਼ਨੀਵਾਰ 'ਤੇ ਘਰੇਲੂ ਬਾਕਸ ਆਫਿਸ 'ਤੇ ਚੋਟੀ ਦਾ ਪ੍ਰਦਰਸ਼ਨ ਕੀਤਾ ਅਤੇ ਅੰਤਰਰਾਸ਼ਟਰੀ ਪੱਧਰ 'ਤੇ ਇੱਕ ਵੱਡੀ ਹਿੱਟ ਰਹੀ। ਇਸ ਦੀ ਉਤਪਾਦਨ ਲਾਗਤ ਲਗਭਗ 50 ਮਿਲੀਅਨ ਡਾਲਰ ਸੀ। ਇਸ ਦੀ ਵਿਸ਼ਵ-ਵਿਆਪੀ ਸਿਨੇਮੈਟਿਕ ਕਮਾਈ 226 ਮਿਲੀਅਨ ਡਾਲਰ ਤੋਂ ਪਾਰ ਹੋ ਗਈ ਹੈ।