ਪਰਸਿੰਮਨ

ਪਰਸਿੰਮਨ ਅੱਖਰ ਪਾਓਹਟਨ ਲੋਕਾਂ ਦੀ ਭਾਸ਼ਾ, ਪੂਰਬੀ ਅਮਰੀਕਾ ਦੀ ਅਲਗੋਂਕੂਇਨ ਭਾਸ਼ਾ ਸਮੂਹ ਨਾਲ ਸੰਬੰਧਿਤ ਭਾਸ਼ਾ, ਦੇ putchamin, pasiminan, ਜਾਂ pessamin, ਅੱਖਰ ਤੋ ਬਣਿਆ ਹੈ ਜਿਸਦਾ ਅਰਥ "ਇੱਕ ਸੁੱਕਾ ਫਲ" ਹੈ। ^[2]

ਡਾਇਓਸਪਾਇਰਸ ਪਰਸਿੰਮਨ ਦੀ ਬਹੁਤ ਉਗਾਈ ਜਾਣ ਵਾਲੀ ਉਪਸ੍ਰੇਣੀ ਹੈ।  ਆਮ ਤੌਰ 'ਤੇ ਇਸ ਉਪਸ਼੍ਰੇਣੀ ਦੇ ਰੁੱਖ 4.5 (ਸਾਢੇ ਚਾਰ) ਤੋਂ 18 (ਅਠਾਰਾਂ) ਮੀਟਰ (15 ਤੋਂ 59 ਫੁੱਟ) ਤੱਕ ਉਚੇ ਹੋ ਜਾਂਦੇ ਹਨ ਅਤੇ ਉਪਰੋਂ ਗੋਲਾਕਾਰ ਹੁੰਦੇ ਹਨ। ਇਹ ਦਰਖਤ ਸਿਧਾ ਉਗਦਾ ਹੈ, ਪਰ ਕਈ ਵਾਰ ਇਹ ਟੇਢੇ-ਮੇਢੇ ਜਾਂ ਲਿਫਵੇਂ ਵੀ ਉਗ ਪੈਂਦੇ ਹਨ।

ਪਰਸਿੰਮਨਾਂ ਦੀ ਪੈਦਾਵਾਰ – ਈਸਵੀ ਸੰਨ 2013
ਦੇਸ਼	ਪੈਦਾਵਾਰ (ਲੱਖਾਂ ਟੱਨਾਂ ਵਿੱਚ))
ਚੀਨ	20.0
ਦੱਖਣੀ ਕੋਰਆ	3.0
ਜਪਾਨ	2.6
ਬਰਾਜ਼ੀਲ	1.2
ਅਜ਼ਰਬਾਈਜਾਨ	0.8
ਸੰਸਾਰ	46.0
ਸ੍ਰੋਤ: ਸੰਯੁਕਤ ਰਾਸ਼ਟਰ ਦਾ FAOSTAT[3]

2013 ਵਿੱਚ ਪਰਸਿੰਮਨਾਂ ਦੀ ਪੈਦਾਵਾਰ ਸੰਸਾਰ ਪੱਧਰ ਤੇ 46 ਲੱਖ ਟੱਨ ਹੋਈ ਸੀ ਜਿਸ ਵਿੱਚੋਂ ਚੀਨ ਦਾ ਹਿੱਸਾ 43% ਸੀ (ਸਾਰਣੀ ਦੇਖੋ)।  ਹੋਰ ਵੱਡੇ ਪੈਦਾਵਾਰ ਕਰਨ ਵਾਲੇ ਮੁਲਕ ਹਨ ਦੱਖਣੀ ਕੋਰੀਆ, ਜਪਾਨ, ਬਰਾਜ਼ੀਲ, ਅਤੇ ਅਜ਼ਰਬਾਈਜਾਨ (ਸਾਰਣੀ ਦੇਖੋ)।

ਪਰਸਿੰਮਨ ਤਾਜ਼ਾ (ਬਿਨਾ ਪਕਾਉਣ ਤੋਂ), ਪਕਾ ਕੇ, ਜਾਂ ਸੁੱਕਾ ਕੇ ਖਾਧੇ ਜਾਂਦੇ ਹਨ।  ਤਾਜ਼ਾ ਖਾਣ ਲਈ ਜਾਂ ਤਾਂ ਸੇਬ ਦੀ ਤਰਾਂ ਕਤਲੀਆਂ ਕਰਕੇ ਜਾਂ ਛਿੱਲ ਕੇ ਖਾਧੇ ਜਾਂਦੇ ਹਨ। ਪੱਕੇ ਹੋਏ ਪਰ ਪਿਲਪਿਲੇ ਪਰਸਿੰਮਨਾਂ ਨੂੰ ਖਾਣ ਦਾ ਇੱਕ ਤਰੀਕਾ ਇਹ ਵੀ ਹੈ ਕਿ ਛੁਰੀ ਨਾਲ ਉਪਰਲਾ ਪੱਤਾ ਲਾਹ ਕੇ ਚਮਚੇ ਨਾਲ ਭਰ ਭਰ ਕੇ ਅੰਦਰੋਂ ਫਲ ਨੂੰ ਛਿਲਕੇ ਦੇ ਵਿੱਚੋਂ ਖਾਣਾ। ਜਾਂ ਜਿਆਦਾ ਪੱਕੇ ਹੋਏ ਪਰਸਿੰਮਨਾਂ ਦੇ ਉਪਰਲਾ ਪੱਤਾ ਲਾਹ ਕੇ ਅਤੇ ਅੱਧ ਵਿਚਾਲਿਓਂ ਕੱਟ ਕੇ ਵੀ ਚਮਚੇ ਨਾਲ ਅੰਦਰੋ ਖਾਧਾ ਜਾ ਸਕਦਾ ਹੈ।  ਫਲ ਦਾ ਗੁੱਦਾ ਨਰਮ ਤੋਂ ਲੈ ਕੇ ਸਖਤ ਹੋ ਸਕਦਾ ਹੈ ਅਤੇ ਗੁੱਦੇ ਦੀ ਬਣਤਰ ਆਪਣੇ ਆਪ ਵਿੱਚ ਨਿਰਾਲੀ ਹੈ।  ਗੁੱਦਾ ਖਾਣ ਨੂੰ ਮਿੱਠਾ ਹੁੰਦਾ ਹੈ ਅਤੇ, ਜੇਕਰ ਕੱਚਾ ਹੋਣ ਕਰਕੇ ਸਖਤ ਹੋਵੇ, ਤਾਂ ਸੇਬ ਵਾਂਗੂੰ ਕਿਰਚ-ਕਿਰਚ ਕਰਦਾ ਹੈ। ਅਮਰੀਕੀ ਪਰਸਿਮੰਨ (ਡਾਇਓਸਪਾਇਰਸ virginiana) ਅਤੇ ਡਾਇਓਸਪਾਇਰਸ digyna ਉਪਸ਼੍ਰੇਣੀਆਂ ਪੱਕਣ ਤੱਕ ਅਖਾਦਯ (ਨਾ ਖਾਣ ਯੋਗ) ਹੁੰਦੀਆਂ ਹਨ। ^{[ਹਵਾਲਾ ਲੋੜੀਂਦਾ]}

ਪਰਸਿੰਮਨ ਸਾਧਾਰਨ ਤਾਪਮਾਨ (20 ਦਰਜਾ ਸੈਲਸੀਅਸ ਜਾਂ 68 ਦਰਜਾ ਫਾਰਨਹੀਟ) ਤੇ ਰੱਖੇ ਜਾ ਸਕਦੇ ਹਨ ਅਤੇ ਇਸ ਤਾਪਮਾਨ ਤੇ ਇਹ ਪੱਕਦੇ ਰਹਿਣਗੇ।  ਉਤਰੀ ਚੀਨ ਵਿੱਚ ਕੱਚੇ ਪਰਸਿੰਮਨਾਂ ਨੂੰ ਸਿਆਲਾਂ ਵਿੱਚ ਬਾਹਰ ਰੱਖ ਕੇ ਜੰਮਾ ਲਿਆ ਜਾਂਦਾ ਹੈ ਤਾਂ ਕਿ ਉਹ ਜਲਦੀ ਪੱਕ ਜਾਣ।