ਨਿਕੀਤਾ ਮਿਖਾਲਕੋਵ

ਮਿਖਾਲਕੋਵ ਦਾ ਜਨਮ ਮਾਸਕੋ ਵਿਖੇ ਹੋਇਆ ਸੀ ਅਤੇ ਉਹ ਇੱਕ ਵੱਖਰੇ ਕਲਾਕਾਰੀ ਪ੍ਰਭਾਵਿਤ ਮਿਖਾਲਕੋਵ ਪਰਿਵਾਰ ਵਿੱਚ ਪੈਦਾ ਹੋਇਆ ਸੀ। ਉਸਦਾ ਪੜਦਾਦਾ ਯਾਰੋਸਲਾਵਲ ਦਾ ਸ਼ਾਹੀ ਗਵਰਨਰ ਹੁੰਦਾ ਸੀ ਜਿਸਦੀ ਮਾਂ ਹਾਊਸ ਔਫ਼ ਗੋਲਿਟਸਿਨ ਦੀ ਰਾਣੀ ਸੀ। ਨਿਕੀਤਾ ਦਾ ਪਿਤਾ ਸੇਰਗੇਈ ਮਿਖਾਲਕੋਵ ਬੱਚਿਆਂ ਦੇ ਸਾਹਿਤ ਦਾ ਇੱਕ ਨਾਮਵਰ ਲੇਖਕ ਸੀ ਹਾਲਾਂਕਿ ਉਸਨੇ ਦੇਸ਼ ਦੇ ਰਾਸ਼ਟਰ ਗਾਣ ਲਈ ਤਿੰਨ ਵਾਰ ਸਤਰਾਂ ਲਿਖੀਆਂ ਸਨ ਜਿਹੜੀਆਂ ਕਿ 60 ਸਾਲਾਂ ਤੋਂ ਉੱਪਰ ਚੱਲੀਆਂ। ਮਿਖਾਲਕੋਵ ਦੀ ਮਾਂ ਕਵਿੱਤਰੀ ਨਤਾਲਿਆ ਕੋਨਚਾਲੋਵਸਕਾਯਾ ਕਾਲਾਕਾਰ ਪਿਓਤਰ ਕੋਨਚਾਲੋਵਸਕੀ ਦੀ ਧੀ ਸੀ ਅਤੇ ਉਹ ਸ਼ਾਨਦਾਰ ਚਿੱਤਰਕਾਰ ਵਾਸੀਲੀ ਸੂਰੀਕੋਵ ਦੀ ਦੋਹਤੀ ਸੀ। ਨਿਕੀਤਾ ਦਾ ਵੱਡਾ ਭਰਾ ਆਂਦਰੇਈ ਕੋਨਚਾਲੋਵਸਕੀ ਵੀ ਇੱਕ ਮਸ਼ਹੂਰ ਫ਼ਿਲਮਕਾਰ ਹੈ ਜਿਸਨੇ ਆਂਦਰੇਈ ਤਾਰਕੋਵਸਕੀ ਨਾਲ ਵੀ ਕੰਮ ਕੀਤਾ ਸੀ। ਇਸ ਤੋਂ ਇਲਾਵਾ ਉਸਦੇ ਵੱਡੇ ਭਰਾ ਨੇ ਉਸ ਨਾਲ ਉਸਦੀ ਹਾਲੀਵੁੱਡ ਫ਼ਿਲਮ ਰਨਅਵੇ ਟਰੇਨ ਅਤੇ ਟੈਂਗੋ ਐਂਡ ਕੈਸ਼ ਵਿੱਚ ਵੀ ਕੰਮ ਕੀਤਾ ਸੀ।

ਮਿਖਾਲਕੋਵ ਨੇ ਮਾਸਕੋ ਆਰਟ ਥੀਏਟਰ ਦੇ ਬੱਚਿਆਂ ਦੇ ਸਟੂਡੀਓ ਵਿੱਚ ਅਦਾਕਾਰੀ ਸਿੱਖੀ ਸੀ ਅਤੇ ਪਿੱਛੋਂ ਉਹ ਵਾਖਤਾਨਗੋਵ ਥੀਏਟਰ ਵਿੱਚ ਵੀ ਅਦਾਕਾਰੀ ਸਿੱਖਦਾ ਰਿਹਾ ਸੀ। ਵਿਦਿਆਰਥੀ ਦੇ ਤੌਰ 'ਤੇ ਹੀ ਉਸਨੇ ਗਿਓਰਗੀ ਦਾਨੇਲੀਆ ਦੀ ਫ਼ਿਲਮ ਆਈ ਸਟੈੱਪ ਥਰੂ ਮੌਸਕੋ (1964) ਵਿੱਚ ਅਦਾਕਾਰੀ ਕੀਤੀ ਸੀ। ਇਸ ਤੋ ਇਲਾਵਾ ਉਸਨੇ ਆਪਣੇ ਭਰਾ ਆਂਦਰੇਈ ਕੋਨਚਾਲੋਵਸਕੀ ਦੀ ਫ਼ਿਲਮ ਹੋਮ ਔਫ਼ ਦ ਗੈਂਟਰੀ (1969) ਵਿੱਚ ਅਦਾਕਾਰੀ ਕੀਤੀ ਸੀ। ਇਸ ਪਿੱਛੋਂ ਉਹ ਸੋਵੀਅਤ ਸਟੇਜ ਅਤੇ ਸਿਨੇਮਾ ਦਾ ਸਿਤਾਰਾ ਬਣ ਗਿਆ ਸੀ।

ਉਸਦੀ 1987 ਦੀ ਫ਼ਿਲਮ ਡਾਰਕ ਆਈਜ਼ ਜਿਹੜੀ ਕਿ ਚੈਖਵ ਦੀਆਂ ਲਘੂ ਕਹਾਣੀਆਂ ਉੱਪਰ ਬਣਾਈ ਗਈ ਸੀ, ਨੂੰ ਸਮੀਖਿਅਕਾਂ ਵੱਲੋਂ ਬਹੁਤ ਹੀ ਸਰਾਹਨਾ ਮਿਲੀ ਸੀ ਅਤੇ ਇਸ ਫ਼ਿਲਮ ਦੇ ਅਦਾਕਾਰ ਮਾਸਤ੍ਰੋਆਨੀ ਨੂੰ 1987 ਦੇ ਕਾਨ੍ਹਸ ਫ਼ਿਲਮ ਫ਼ੈਸਟੀਵਲ ਵਿਖੇ ਸਭ ਤੋਂ ਵਧੀਆ ਅਦਾਕਾਰ ਦਾ ਅਵਾਰਡ ਮਿਲਿਆ ਸੀ।^[1]

ਵਿਕੀਮੀਡੀਆ ਕਾਮਨਜ਼ ਉੱਤੇ ਨਿਕੀਤਾ ਮਿਖਾਲਕੋਵ ਨਾਲ ਸਬੰਧਤ ਮੀਡੀਆ ਹੈ।

• Mikhalkov Productions
• Nikita Mikhalkov, ਇੰਟਰਨੈੱਟ ਮੂਵੀ ਡੈਟਾਬੇਸ 'ਤੇ
• Russian director Mikhalkov's "12" movie nominated for Oscar Archived 2014-08-06 at the Wayback Machine.

ਫਰਮਾ:Nikita Mikhalkovਫਰਮਾ:AcademyAwardBestForeignLanguageFilm 1981–2000