ਗੁਲਬਹਾਰ ਬਾਨੋ

ਗੁਲਬਹਾਰ ਬਾਨੋ (ਜਨਮ 1963) ਇੱਕ ਪਾਕਿਸਤਾਨੀ ਗ਼ਜ਼ਲ ਗਾਇਕਾ ਹੈ। ^[1] ਉਸਨੇ 70 ਵਿਆਂ ਅਤੇ 80 ਦੇ ਦਹਾਕੇ ਦੇ ਸ਼ੁਰੂ ਵਿੱਚ ਰੇਡੀਓ ਪਾਕਿਸਤਾਨ, ਬਹਾਵਲਪੁਰ ਸਟੇਸ਼ਨ ਤੋਂ ਆਪਣੇ ਗਾਇਕੀ ਜੀਵਨ ਦੀ ਸ਼ੁਰੂਆਤ ਕੀਤੀ। ^[2] ਰੇਡੀਓ ਪਾਕਿਸਤਾਨ ਬਹਾਵਲਪੁਰ ਦੇ ਸਟੇਸ਼ਨ ਡਾਇਰੈਕਟਰ ਇਰਫ਼ਾਨ ਅਲੀ ਨੇ ਪਹਿਲਾਂ ਉਸ ਨੂੰ ਰੇਡੀਓ 'ਤੇ ਮੌਕਾ ਦਿੱਤਾ ਅਤੇ ਫਿਰ ਕਰਾਚੀ ਜਾਣ ਵਿਚ ਮਦਦ ਕੀਤੀ। ਉਹ 80 ਦੇ ਦਹਾਕੇ ਵਿੱਚ ਕਰਾਚੀ ਚਲੀ ਗਈ ਅਤੇ ਆਪਣਾ ਧਿਆਨ ਕਾਫ਼ੀ ਤੋਂ ਗ਼ਜ਼ਲ ਗਾਇਕੀ ਵੱਲ ਲੈ ਗਈ। ਬਾਅਦ ਵਿਚ ਉਹ ਲਾਹੌਰ ਚਲੀ ਗਈ। ਉਸਨੇ 2006 ਵਿੱਚ ਪ੍ਰਾਈਡ ਆਫ ਪਰਫਾਰਮੈਂਸ ਲਈ ਰਾਸ਼ਟਰਪਤੀ ਪੁਰਸਕਾਰ ਪ੍ਰਾਪਤ ਕੀਤਾ।

ਉਹ ਵਰਤਮਾਨ ਵਿੱਚ ਖਾਨਕਾਹ ਸ਼ਰੀਫ, ਬਹਾਵਲਪੁਰ ਜ਼ਿਲੇ ਵਿੱਚ ਆਪਣੇ ਭਰਾਵਾਂ ਦੇ ਪਰਿਵਾਰ ਨਾਲ ਬਹੁਤ ਡਾਵਾਂਡੋਲ ਜੀਵਨ ਬਤੀਤ ਕਰ ਰਹੀ ਹੈ। ਉਹ ਪਿਛਲੇ ਕੁਝ ਸਾਲਾਂ ਤੋਂ ਹੋਸ਼ ਗੁਆ ਬੈਠੀ ਹੈ ਅਤੇ ਆਮ ਜੀਵਨ ਬਤੀਤ ਕਰਨ ਦੇ ਯੋਗ ਨਹੀਂ ਹੈ। ^{[3] [4]}