ਇੰਡੀਆ ਬੁੱਕ ਹਾਊਸ

ਇੰਡੀਆ ਬੁੱਕ ਹਾਊਸ ਪ੍ਰਾਈਵੇਟ ਲਿਮਿਟਡ (IBH) ਭਾਰਤ ਵਿੱਚ ਕਿਤਾਬਾਂ ਅਤੇ ਰਸਾਲਿਆਂ ਦਾ ਇੱਕ ਆਯਾਤ ਕਰਨ ਵਾਲਾ, ਵਿਕਰੇਤਾ ਅਤੇ ਪ੍ਰਕਾਸ਼ਕ ਹੈ। ^[1]

1952 ਵਿੱਚ ਬਣੇ, ਇੰਡੀਆ ਬੁੱਕ ਹਾਊਸ ਨੇ ਬਾਲ-ਸਾਹਿਤ ਲੇਖਕਾਂ ਜਿਵੇਂ ਕਿ ਐਨੀਡ ਬਲਾਇਟਨ ਅਤੇ ਫਰੈਡਰਿਕ ਫੋਰਸਿਥ ਦੇ ਪੇਪਰਬੈਕ ਐਡੀਸ਼ਨ ਪ੍ਰਕਾਸ਼ਿਤ ਕੀਤੇ, ਨਾਲ ਹੀ ਦ ਐਡਵੈਂਚਰਜ਼ ਆਫ਼ ਟਿਨਟਿਨ ਅਤੇ ਐਸਟਰਿਕਸ ਵਰਗੇ ਕਾਮਿਕਸ ਨੂੰ ਅੰਗਰੇਜ਼ੀ ਤੋਂ ਇਲਾਵਾ ਕਈ ਭਾਰਤੀ ਭਾਸ਼ਾਵਾਂ ਵਿੱਚ ਵੀ ਛਾਪਿਆ। ਉਹਨਾਂ ਦੀ ਸਭ ਤੋਂ ਮਸ਼ਹੂਰ ਲੜੀ ਅਮਰ ਚਿੱਤਰ ਕਥਾ ਕਾਮਿਕਸ ਲਾਈਨ ਹੈ ਜੋ ਮਹਾਨ ਭਾਰਤੀ ਮਹਾਂਕਾਵਿ, ਮਿਥਿਹਾਸ, ਇਤਿਹਾਸ, ਲੋਕ-ਕਥਾਵਾਂ ਅਤੇ ਕਥਾਵਾਂ ਦੀਆਂ ਕਹਾਣੀਆਂ ਨੂੰ ਦੁਬਾਰਾ ਬਿਆਨ ਕਰਦੀ ਹੈ। ^[2] 2007 ਵਿੱਚ, ਇਸਦੇ ਇੰਪ੍ਰਿੰਟ ਅਤੇ ਇਸਦੇ ਸਾਰੇ ਟਾਇਟਲ ਏ.ਸੀ.ਕੇ. ਮੀਡੀਆ ਪ੍ਰਾਈਵੇਟ ਲਿਮਿਟਡ ਦੁਆਰਾ ਖਰੀਦੇ ਗਏ ਸਨ। ਇਹ ਕੰਪਨੀ ਅਮਰ ਚਿੱਤਰ ਕਥਾ ਅਤੇ ਟਿੰਕਲ ਵਰਗੇ ਬ੍ਰਾਂਡਾਂ ਦੀ ਮਾਲਕ ਹੈ। ^[3]

ਇੰਡੀਆ ਬੁੱਕ ਹਾਊਸ ਦਾ ਮੁੱਖ ਦਫਤਰ ਮੁੰਬਈ ਵਿੱਚ ਹੈ। ਹੁਣ ਇਸਨੂੰ ਆਕਸਫੋਰਡ ਬੁੱਕਸਟੋਰ ਅਤੇ ਸਟੇਸ਼ਨਰੀ ਕੰਪਨੀ ਨਾਲ ਜੋੜਿਆ ਗਿਆ ਹੈ ਅਤੇ ਇਹ ਭਾਰਤ ਵਿੱਚ ਸਭ ਤੋਂ ਵੱਡੇ ਕਿਤਾਬਾਂ ਦੇ ਥੋਕ ਵਿਕਰੇਤਾਵਾਂ ਵਿੱਚੋਂ ਇੱਕ ਹੈ।