ଆଞ୍ଜିଓଟେନସିନ୍-ରୂପାନ୍ତରକାରୀ-ଏନଜାଇମ ଅବରୋଧକ
colspan="2" class="infobox-above" style="background-color:
| |
|---|---|
| ଡ୍ରଗ୍ କ୍ଲାସ୍ | | |
| କ୍ଲିନିକାଲ୍ ତଥ୍ୟ | | |
| Drugs.com | ଡ୍ରଗ୍ କ୍ଲାସ୍ | |
| WebMD | ମେଡିସିନ୍ ନେଟ | RxList |
ଆଞ୍ଜିଓଟେନସିନ୍-ରୂପାନ୍ତରକାରୀ-ଏନଜାଇମ ଅବରୋଧକ ବା ଏସିଇ ଇନହିବିଟର ଏକ ଔଷଧ ଶ୍ରେଣୀ ଯାହା ମୁଖ୍ୟତଃ ଉଚ୍ଚ ରକ୍ତଚାପ, ହୃଦ୍ପାତ, ବୃକ୍କ ରୋଗ, ଏବଂ କରୋନାରୀ ହୃଦ୍ ରୋଗ ପାଇଁ ବ୍ୟବହୃତ ହୁଏ | [୧] ଅଧକପାଳି ଏବଂ ସ୍କ୍ଲେରୋଡର୍ମା ରୋଗ ଚିକିତ୍ସାରେ ମଧ୍ୟ ଦିଆଯାଏ । [୨] ସେଗୁଡିକ ସାଧାରଣତଃ ପାଟିରେ ଦିଆଯାଏ, ଯଦିଓ କିଛି ଇଞ୍ଜେକ୍ସନ ମଧ୍ୟ ଉପଲବ୍ଧ ଅଛି | [୩] [୪]
ଏସିଇ ଇନହିବିଟରଗୁଡିକ ସାଧାରଣତଃ ଭଲ ଭାବରେ ସହ୍ୟ କରିହୁଏ ଏବଂ ପ୍ରଭାବଶାଳୀ ହୁଏ | [୫] ସାଧାରଣ ପାର୍ଶ୍ୱ ପ୍ରତିକ୍ରିୟାରେ କାଶ, ମୁଣ୍ଡ ହାଲୁକା ଲାଗିବା, ନିମ୍ନ ରକ୍ତଚାପ, ବୃକ୍କ କାର୍ଯ୍ୟ ହ୍ରାସ ଏବଂ ରକ୍ତରେ ଉଚ୍ଚ ପୋଟାସିୟମ ସ୍ତର ହୋଇପାରେ | [୬] ବୃକ୍କ ଧମନୀ ସଙ୍କୋଚନ ରୋଗୀଙ୍କର ସାଧାରଣତଃ ବୃକ୍କ କାର୍ଯ୍ୟ କ୍ଷମତା କମିଯାଏ | [୩] ଅନ୍ୟାନ୍ୟ ପାର୍ଶ୍ୱ ପ୍ରତିକ୍ରିୟାରେ ଆଞ୍ଜିଓଇଡିମା ଅନ୍ତର୍ଭୁକ୍ତ ହୋଇପାରେ | [୩] ଗର୍ଭାବସ୍ଥାରେ ବ୍ୟବହାର କଲେ ଶିଶୁର କ୍ଷତି ହୋଇପାରେ | [୬] ଆଞ୍ଜିଓଟେନସିନ-ରୂପାନ୍ତରକାରୀ-ଏନଜାଇମର କାର୍ଯ୍ୟକୁ ଅବରୋଧ କରିବାରୁ ଆଞ୍ଜିଓଟେନସିନ ୨ ସ୍ତର କମିଯିବା ଫଳରେ କାର୍ଯ୍ୟକ୍ଷମ ହୁଏ । [୭] ଆଞ୍ଜିଓଟେନସିନ ସ୍ତର କମିଯିବାରୁ ରକ୍ତନଳୀ ସ୍ଫିତ ହୋଇଯାଏ; ଫଳରେ ବୃକ୍କଦ୍ୱାରା ଜଳ ଏବଂ ସୋଡିୟମ ଅଧିକ ମୁକ୍ତ ହୁଏ | [୩] ବୃକ୍କରେ ଗୁରୁତର ବିଫଳତା ଥିଲେ କିମ୍ବା ଆଞ୍ଜିଓନିଉରୋଟିକ ଏଡିମା ଇତିହାସ ଥିଲେ ଏହି ଔଷଧ ଦିଆଯାଏ ନାହିଁ | [୮] ଏସିଇ ଇନହିବିଟର କାର୍ଯ୍ୟ ନିରୁପଣ କରିବା ପାଇଁ ଏହା ଆରମ୍ଭ କରିବାର ଏକ ସପ୍ତାହ ପରେ କିମ୍ବା ଏହାର ମାତ୍ରା ବଦଳାଇବା ପରେ ବୃକ୍କ ପରୀକ୍ଷା (କିଡନି ଫଙ୍କସନ ଟେଷ୍ଟ) କରାଯାଏ । [୮]
୧୯୮୧ ମସିହାରେ ପ୍ରଥମେ ଡାକ୍ତରୀ ବ୍ୟବହାର ନିମନ୍ତେ କାପ୍ଟୋପ୍ରିଲ ବ୍ୟବହାର କରାଯାଇଥିଲା । ୨୦୨୧ ମସିହାରୁ ସାଧାରଣ ଭାବରେ ଏହା ବ୍ୟବହୃତ ହେଉଛି । [୬] ଯୁକ୍ତରାଷ୍ଟ୍ର ଆମେରିକାରେ ଏହା ଉଚ୍ଚ ରକ୍ତ ଚାପ ପାଇଁ ଏକ ପ୍ରଥମ ଧାଡି ଚିକିତ୍ସାର ମାନ୍ୟତା ପାଇଛି ଯାହା ସହିତ କ୍ୟାଲସିସମ ଚ୍ୟାନେଲ ଅବରୋଧକ, ଥିଆଜାଇଡ ଡାଇୟୁରେଟିକ ଏବଂ ଆଞ୍ଜିଓଟେନସିନ ରିସେପ୍ଟର ବ୍ଲକର ବ୍ୟବହୃତ ହେଉଛି ।[୯] ଏହି ଔଷଧ ଗୁଡ଼ିକ ମହଙ୍ଗା ନୁହେଁ ଓ ଜେନେରିକ ଔଷଧ ଭାବରେ ଉପଲବଧ ଅଛି । [୩]