ହିପ ହପ ସଂସ୍କୃତି

ହିପ ହପ ବା ହିପ-ହପ ଏକ ସଂସ୍କୃତି ଏବଂ କଳା ଆନ୍ଦୋଳନ । ଏହା ନ୍ୟୁୟର୍କ ସହରର ବ୍ରୋଙ୍କସରେ ଆଫ୍ରିକୀୟ ଆମେରିକୀୟ, ଲାଟିନୋ ଆମେରିକୀୟ ଏବଂ କାରିବିଆନ ଆମେରିକୀୟମାନଙ୍କଦ୍ୱାରା ସୃଷ୍ଟି କରାଯାଇଥିଲା । ଏହି ନାମର ଉତ୍ପତ୍ତି ପ୍ରାୟତଃ ବିବାଦୀୟ । ଦକ୍ଷିଣ କିମ୍ବା ପଶ୍ଚିମ ବ୍ରୋଙ୍କସରେ ହିପ ହପ ଆରମ୍ଭ ହୋଇଛି କି ନାହିଁ ସେ ବିଷୟରେ ମଧ୍ୟ ଯୁକ୍ତି କରାଯାଉଛି ।^{[୧][୨][୩][୪][୫]} ହିପ ହପ ଶବ୍ଦ ପ୍ରାୟତଃ ହିପ ହପ ସଙ୍ଗୀତକୁ (ର‍୍ଯାପ ଅନ୍ତର୍ଭୁକ୍ତ) ସ୍ୱତନ୍ତ୍ର ଭାବରେ ବୁଝାଇବା ପାଇଁ ବ୍ୟବହୃତ ହେଉଥିବାବେଳେ,^[୬] ହିପ ହପ ଚାରୋଟି ପ୍ରମୁଖ ଉପାଦାନଦ୍ୱାରା ବର୍ଣ୍ଣିତ: "ର‍୍ଯାପିଂ" (ଇଂରାଜୀରେ MCing ବା emceeing ମଧ୍ୟ କୁହାଯାଏ), ଏକ ତାଳବଦ୍ଧ କଣ୍ଠସ୍ୱର ଯତିପାଦ (ରାଇମିଂ) ଶୈଳୀ (ମୌଖିକତା); ଡିଜେଇଙ୍ଗ (DJing) (ଏବଂ ଟର୍ନଟେବଲିଜିମ), ଯାହା ରେକର୍ଡ ପ୍ଲେୟର ଏବଂ ଡିଜେ ମିକ୍ସର (ମୌଖିକ/ଧ୍ୱନି ଏବଂ ସଙ୍ଗୀତ ସୃଷ୍ଟି) ସହିତ ସଙ୍ଗୀତ ତିଆରି); ବି-ବୟିଙ୍ଗ/ବି-ଗାର୍ଲିଂ/ବ୍ରେକ ଡ୍ୟାନ୍ସିଂ (ଶରୀରର ଗତି/ନାଚ); ଏବଂ ଗ୍ରାଫିଟି ଆଦିକୁ ବୁଝାଇଥାଏ ।^{[୭][୨][୮][୯][୧୦]} ହିପ ହପର ଅନ୍ୟ ଉପାଦାନଗୁଡ଼ିକ ହେଉଛି: ହିପ ହପ ସଂସ୍କୃତି ଏବଂ ଆନ୍ଦୋଳନର ଐତିହାସିକ ଜ୍ଞାନ (ବୌଦ୍ଧିକ/ଦାର୍ଶନିକ); ବିଟ୍ ବକ୍ସିଂ, ଏକ ବାଜାଭିତ୍ତିକ ସ୍ୱର ଶୈଳୀ; ଗଳି ଉଦ୍ୟୋଗ (ଏଣ୍ଟ୍ରପ୍ରନରସିପ); ହିପ ହପ ଭାଷା; ଏବଂ ହିପ ହପ ଫ୍ୟାଶନ ଏବଂ ଶୈଳୀ ଆଦି ଅନ୍ୟତମ ।^{[୧୧][୧୨][୧୩]} ସାଧାରଣତଃ ଗଳି ବାବଦରେ ଜ୍ଞାନ, ହିପ ହପ ଫ୍ୟାଶନ କିମ୍ବା ବିଟ ବକ୍ସିଂ ପଞ୍ଚମ ଉପାଦାନ ଭାବରେ ବିବେଚନା କରାଯାଏ ଓ ବିତର୍କିତ ।^[୨][୭]

ବ୍ରୋଙ୍କସ ହିପ ହପ ୧୯୭୦ ଦଶକର ମଧ୍ୟଭାଗରେ ବ୍ଲାକ ସ୍ପେଡସ୍ଦ୍ୱାରା ଆୟୋଜିତ ଆଖପାଖର ବ୍ଲକ ପାର୍ଟିରୁ ଜନ୍ମନେଇଥିଲା । ବ୍ଲାକ ସ୍ପେଡସ୍ ଏକ ଆଫ୍ରିକୀୟ ଆମେରିକୀୟ ଗୋଷ୍ଠୀ ଓ ଏକ ଗ୍ୟାଙ୍ଗ, ଏକ କ୍ଲବ୍ ଏବଂ ଏକ ସଙ୍ଗୀତ ଦଳ ଭାବେ ବର୍ଣ୍ଣିତ । ଏହି ଧାରାର ବୃଦ୍ଧି ପାଇଁ ଭାଇ-ଭଉଣୀ ଯୋଡ଼ି ଡିଜେ କୁଲ ହର୍କ, ଏବଂ ସିଣ୍ଡି କ୍ୟାମ୍ପବେଲ ବ୍ରୋଙ୍କସରେ ଆୟୋଜନ କରିଥିବା ଡିଜେ ପାର୍ଟିକୁ ମଧ୍ୟ ଶ୍ରେୟ ଦିଆଯାଏ ।^[୧୪] ହିପ ହପ ସଂସ୍କୃତି ସମଗ୍ର ଆମେରିକା ଏବଂ ପରବର୍ତ୍ତୀ ସମୟରେ ସମଗ୍ର ବିଶ୍ୱରେ ଉଭୟ ସହରୀ ଏବଂ ଉପାନ୍ତ ସମ୍ପ୍ରଦାୟକୁ ବ୍ୟାପିଥିଲା ।^[୧୫] ଏହି ଉପାଦାନଗୁଡ଼ିକ ଯଥେଷ୍ଟ ଅନୁକୂଳ ଏବଂ ବିକଶିତ ହୋଇଥିଲା, ବିଶେଷକରି କଳା ରୂପଗୁଡ଼ିକ ଆମେରିକା ବାହାରେ ଅନ୍ୟାନ୍ୟ ମହାଦେଶଗୁଡ଼ିକୁ ବ୍ୟାପିଥିଲା ଏବଂ ୧୯୯୦ ଦଶକ ଏବଂ ପରବର୍ତ୍ତୀ ଦଶନ୍ଧିରେ ସ୍ଥାନୀୟ ଶୈଳୀ ସହିତ ମିଶିଥିଲା । ଏହି ଆନ୍ଦୋଳନ ବିଶ୍ୱସ୍ତରରେ ବିସ୍ତାରିତ ହେବାରେ ଲାଗିଛି ଏବଂ ହିପ ହପ ଥିଏଟର ଏବଂ ହିପ ହପ ଚଳଚ୍ଚିତ୍ର ସମେତ ଅସଂଖ୍ୟ ଶୈଳୀ ଏବଂ କଳା ରୂପ ଅନୁସନ୍ଧାନ ଜାରି ରଖିଛି । ଚାରୋଟି ମୂଳ ଉପାଦାନ ହିପ ହପ ସଂସ୍କୃତି ପାଇଁ ସମନ୍ୱୟ ଏବଂ ଏକ ଶକ୍ତିଶାଳୀ ମୂଳଦୁଆ ତିଆରି କରିଛି ।^[୨] ହିପ ହପ ଏକସମୟରେ ଏକ ନୂତନ ଏବଂ ପୁରୁଣା ଘଟଣା । ଏଥିରେ ପୁରୁଣା ରେକର୍ଡରୁ ନମୁନା ଟ୍ରାକ, ବିଟ, ଏବଂ ବେସଲାଇନ ତିଆରି ଗୁରୁତ୍ୱର ଅର୍ଥ ଅଧିକାଂଶ ଆଧୁନିକ ଦର୍ଶକଙ୍କ ପାଇଁ କ୍ଲାସିକ ରେକର୍ଡିଂ, ମନୋଭାବ ଏବଂ ଅନୁଭୂତି ଅଦ୍ୟତନ କରିବାର ଧାରଣା । ପୁରାତନ ସଂସ୍କୃତିର ନମୁନା ଏବଂ ଏହାକୁ ଏକ ନୂତନ ପ୍ରସଙ୍ଗ କିମ୍ବା ନୂତନ ଶୈଳୀରେ ପୁନଃବ୍ୟବହାର କରିବା ହିପ ହପ ସଂସ୍କୃତିରେ "ଫ୍ଲିପିଂ" କୁହାଯାଏ ।^[୧୬] ହିପ ହପ ସଙ୍ଗୀତ ଆଗର ଆଫ୍ରିକୀୟ-ଆମେରିକୀୟ-ମୂଳ ଏବଂ ଲାଟିନୋ ମ୍ୟୁଜିକାଲ୍ ଶୈଳୀ ଯଥା ବ୍ଲୁଜ, ଜାଜ, ରାଗ-ଟାଇମ, ଫଙ୍କ, ସାଲସା, ଏବଂ ଡିସ୍କୋର ପଦାଙ୍କ ଅନୁସରଣ କରି ବିଶ୍ୱସ୍ତରରେ ବ୍ୟବହୃତ ସଂଗୀତ ଶୈଳୀ ମଧ୍ୟରୁ ଗୋଟିଏ ହୋଇଛି ।