ସଙ୍ଗୀତା କୁମାରୀ ସିଂଦେଓ
ସଙ୍ଗୀତା କୁମାରୀ ସିଂଦେଓ (ଜନ୍ମ: ୩ ଡିସେମ୍ବର ୧୯୬୧) ଜଣେ ଓଡ଼ିଆ ରାଜନୀତିଜ୍ଞ । ସେ ଭାରତୀୟ ସଂସଦର ତଳ ସଦନ ଲୋକ ସଭାର ଜଣେ ସାଂସଦ ଭାବରେ ବର୍ତ୍ତମାନ କାର୍ଯ୍ୟ କରୁଛନ୍ତି । ପୂର୍ବରୁ, ସେ ୧୨ଶ, ୧୩ଶ, ୧୪ଶ ଓ ୧୭ଶ ଲୋକ ସଭାର ସଦସ୍ୟା ଥିଲେ ।
ସଙ୍ଗୀତା କୁମାରୀ ସିଂହଦେଓ | |
|---|---|
 | |
| ସାଂସଦ: ୧୭ଶ ଓ ୧୮ଶ ଲୋକ ସଭା | |
| କାର୍ଯ୍ୟକାଳ ୨୦୧୯ – ଏବେଯାଏଁ | |
| ପୂର୍ବ ଅଧିକାରୀ | କଳିକେଶ ନାରାୟଣ ସିଂହଦେଓ |
| ନିର୍ବାଚନ ମଣ୍ଡଳୀ | ବଲାଙ୍ଗୀର |
| ସାଂସଦ: ୧୨ଶ, ୧୩ଶ, ୧୪ଶ ଲୋକ ସଭା | |
| କାର୍ଯ୍ୟକାଳ ୧୯୯୮ – ୨୦୦୯ | |
| ପର ଅଧିକାରୀ | କଳିକେଶ ନାରାୟଣ ସିଂହଦେଓ |
| ନିର୍ବାଚନ ମଣ୍ଡଳୀ | ବଲାଙ୍ଗୀର |
| ବ୍ୟକ୍ତିଗତ ସବିଶେଷ | |
| ଜନ୍ମ | ୩ ଡିସେମ୍ବର ୧୯୬୧ ନୂଆ ଦିଲ୍ଲୀ, ଦିଲ୍ଲୀ |
| ଜାତୀୟତା | ଭାରତୀୟ |
| ରାଜନୀତିକ ଦଳ | ଭାରତୀୟ ଜନତା ପାର୍ଟି |
| ଜୀବନ ସାଥୀ | କନକ ବର୍ଦ୍ଧନ ସିଂହ ଦେଓ |
| ସନ୍ତାନ | ନିବୃତ୍ତି କୁମାରୀ ସିଂଦେଓ |
| ଘର | ଶୈଳଶ୍ରୀ ପ୍ୟାଲେସ୍, ବଲାଙ୍ଗୀର, ଓଡ଼ିଶା |
| ୩୦ ମଇ, ୨୦୧୯ ସୁଦ୍ଧା ଆଧାର: [୧] | |
ଜୀବନୀ
ସେ ବଲାଙ୍ଗୀର ରାଜପରିବାରର ଓ ଅଖିଳ ଭାରତୀୟ ଆୟୁର୍ବିଜ୍ଞାନ ସଂସ୍ଥାନ, ନୂଆ ଦିଲ୍ଲୀର ପୂର୍ବତନ ପିଆର୍ଙ୍କ ଝିଅ । ତାଙ୍କର ସ୍ୱାମୀ କନକ ବର୍ଦ୍ଧନ ସିଂହ ଦେଓ ଜଣେ ରାଜନେତା, ଯିଏକି ଓଡ଼ିଶାର ଉପ-ମୁଖ୍ୟମନ୍ତ୍ରୀ ଭାବରେ କାର୍ଯ୍ୟ କରୁଛନ୍ତି ।
ରାଜନୈତିକ ଜୀବନ
ସଙ୍ଗୀତା ଓଡ଼ିଶା ରାଜନୀତିରେ ଭାରତୀୟ ଜନତା ପାର୍ଟିର କର୍ମୀ ଭାବରେ କାର୍ଯ୍ୟ କରୁଛନ୍ତି । ସେ ୧୯୯୮, ୧୯୯୯ ଓ ୨୦୦୪ ଭାରତୀୟ ସାଧାରଣ ନିର୍ବାଚନରେ ବଲାଙ୍ଗୀର ଲୋକ ସଭା ନିର୍ବାଚନ ମଣ୍ଡଳୀରୁ ଯଥାକ୍ରମେ ୧୨ଶ, ୧୩ଶ ଓ ୧୪ଶ ଲୋକ ସଭାକୁ ନିର୍ବାଚିତ ହୋଇଥିଲେ ।
୨୦୦୯ ଭାରତୀୟ ସାଧାରଣ ନିର୍ବାଚନରେ, ସେ ନିଜ ସ୍ୱାମୀଙ୍କ ସମ୍ପର୍କୀୟ କଳିକେଶ ନାରାୟଣ ସିଂହଦେଓଙ୍କଠାରୁ ହାରିଯାଇଥିଲେ ଓ ନିର୍ବାଚନରେ ତୃତୀୟ ସ୍ଥାନରେ ଥିଲେ । ୨୦୧୯ ଭାରତୀୟ ସାଧାରଣ ନିର୍ବାଚନରେ ସେ ନିଜର ନିକଟତମ ପ୍ରତିଦ୍ୱନ୍ଦୀ, ବିଜୁ ଜନତା ଦଳର ପ୍ରାର୍ଥୀ କଳିକେଶ ନାରାୟଣ ସିଂଦେଓଙ୍କୁ ୧୯,୫୧୬ ଖଣ୍ଡ ଭୋଟରେ ପରାସ୍ତ କରି ୧୭ଶ ଲୋକ ସଭାକୁ ନିର୍ବାଚିତ ହୋଇଥିଲେ ।[୧]
୨୦୨୪ ଭାରତୀୟ ସାଧାରଣ ନିର୍ବାଚନରେ, ସେ ବଲାଙ୍ଗୀର ଲୋକ ସଭା ନିର୍ବାଚନ ମଣ୍ଡଳୀରୁ ବିଜେପିର ପ୍ରାର୍ଥୀ ଭାବରେ ନିର୍ବାଚନ ଲଢ଼ିଥିଲେ ।[୨] ଏହି ନିର୍ବାଚନରେ, ସେ ସମୁଦାୟ ୬,୧୭,୭୪୪ ଖଣ୍ଡ ଭୋଟ ପାଇଥିଲେ ଏବଂ ବିଜେଡି ପ୍ରାର୍ଥୀ ସୁରେନ୍ଦ୍ର ସିଂହ ଭୋଇଙ୍କୁ ୧,୩୨,୬୬୪ ଖଣ୍ଡ ଭୋଟରେ ପରାସ୍ତ କରିଥିଲେ ।[୩]