କ୍ୟାଥରିନ ମହେର
କ୍ୟାଥରିନ ରବର୍ଟସ ମହେର (୧୯୮୩ ମସିହା ଅପ୍ରେଲ ୧୮ରେ ଜନ୍ମିତ)[୧] ଉଇକିମିଡ଼ିଆ ଫାଉଣ୍ଡେସନର ନିର୍ବାହୀ ନିର୍ଦ୍ଦେଶିକା । ସେ ଏହି ପଦବୀରେ ୨୦୧୬ ଜୁନଠାରୁ କାର୍ଯ୍ୟରତ ।[୨] ଆଗରୁ ସେ ମୁଖ୍ୟ ଯୋଗାଯୋଗ ଅଫିସର ଥିଲେ ।[୩] ଇନଫରମେସନ ଆଣ୍ଡ କମ୍ୟୁନିକେସନ ଟେକନୋଲୋଜିରେ (ICT) ଅଭିଜ୍ଞତା ସହ ମହେର ଅଣଲାଭକାରୀ ଓ ଆନ୍ତର୍ଜାତୀୟ ସ୍ତରରେ ବୈଷୟିକ ଜ୍ଞାନକୌଶଳ ବ୍ୟବହାର କରି ମାନବିକ ଅଧିକାର ଓ ଆନ୍ତର୍ଜାତୀୟ ବିକାଶ କରିବା ନିମନ୍ତେ କାମ କରିଛନ୍ତି ।
କ୍ୟାଥରିନ ମହେର | |
---|---|
ଜନ୍ମ | କ୍ୟାଥରିନ ରବର୍ଟସ ମହେର ୧୮ ଅପ୍ରେଲ ୧୯୮୩ ଉଇଲଟନ, କନେକ୍ଟିକଟ, ଯୁକ୍ତରାଷ୍ଟ୍ର ଆମେରିକା[ଆଧାର ଲୋଡ଼ା] |
ଜାତୀୟତା | ଆମେରିକୀୟ |
ଶିକ୍ଷାନୁଷ୍ଠାନ | ନିଉ ୟର୍କ ବିଶ୍ୱବିଦ୍ୟାଳୟ |
ବୃତ୍ତି | ବ୍ୟବସାୟ ନିର୍ବାହୀ |
ସକ୍ରିୟ ବର୍ଷ | ୨୦୦୫–ବର୍ତ୍ତମାନ |
Title | ଇଉକିମିଡ଼ିଆ ଫାଉଣ୍ଡେସନର ନିର୍ବାହୀ ନିର୍ଦ୍ଦେଶିକା |
ପ୍ରାରମ୍ଭିକ ଜୀବନ ଓ ଶିକ୍ଷା
ମହେର ଯୁକ୍ତରାଷ୍ଟ୍ର ଆମେରିକାର କନେକ୍ଟିକଟସ୍ଥିତ ଉଇଲଟନଠାରେ ବଡ଼ ହୋଇଥିଲେ[୧] ଓ ଉଇଲଟନ ହାଇସ୍କୁଲରୁ ଶିକ୍ଷାଲାଭ କରିଥିଲେ ।[୪] ହାଇସ୍କୁଲ ପରେ ୨୦୦୩ରେ ମହେର ଦି ଅମେରିକାନ ଇଉନିଭର୍ସିଟି ଅଫ କାଇରୋର ଆରବୀ ଲାଙ୍ଗୁଏଜ ଇନଷ୍ଟିଚ୍ୟୁଟର ଆରବୀ ଲାଙ୍ଗୁଏଜ ଇଣ୍ଟେନସିଭ ପ୍ରୋଗ୍ରାମରୁ ସ୍ନାତକ ଲାଭ କରିଥିଲେ । ସେ ଏହି ଅନୁଭୂତିକୁ ଏକ ତାଙ୍କ ଭିତରେ ଏକ ଗଠନଶୀଳ ଅଭିଜ୍ଞତା ଓ ମଧ୍ୟପ୍ରାଚ୍ୟ ପ୍ରତି ଗଭୀର ପ୍ରେମ ଆରମ୍ଭ କରିଥିଲା ବୋଲି କହନ୍ତି ।[୫] ମହେର ସିରିଆର Institut français d’études arabes de Damasରୁ (L'IFEAD) ମଧ୍ୟ ଶିକ୍ଷାଲାଭ କରିଥିଲେ । ଏହି ସମୟରେ ଲେବାନନ ଓ ଟ୍ୟୁନିସିଆରେ ମଧ୍ୟ କିଛି ସମୟ କଟାଇଥିଲେ ।[୧][୬]
୨୦୦୫ରେ ମହେର ନିଉୟର୍କ ବିଶ୍ୱବିଦ୍ୟାଳୟରୁ ମଧ୍ୟପ୍ରାଚ୍ୟ ଓ ଇସଲାମିକ ଶିକ୍ଷାରୁ ସ୍ନାତକ ଲାଭ କରିଥିଲେ ।[୭]
ଉଇକିମିଡ଼ିଆ ଫାଉଣ୍ଡେସନ
ଅପ୍ରେଲ ୨୦୧୪ରୁ ମାର୍ଚ୍ଚ ୨୦୧୬ ଯାଏ ମହେର ମୁଖ୍ୟ ଯୋଗାଯୋଗ ଅଫିସର ଭାବେ କ୍ୟାଲିଫର୍ଣିଆର ସାନ ଫ୍ରାନସିସ୍କୋସ୍ଥିତ ଉଇକିମିଡ଼ିଆ ଫାଉଣ୍ଡେସନରେ କାର୍ଯ୍ୟକରିଥିଲେ ।[୩][୮][୯] ଏହି ସମୟରେ ସେ ୱାସିଂଟନ ପୋଷ୍ଟକୁ ଯୁକ୍ତରାଷ୍ଟ୍ର ଆମେରିକା ଆଇନ ଉପରେ ଏକ ସାକ୍ଷାତକାର ଦେଇଥିଲେ ।[୧୦]
୨୦୧୬ ମାର୍ଚ୍ଚରେ ସେ ଉଇକିମିଡ଼ିଆ ଫାଉଣ୍ଡେସନର ସେତେବଳର ନିର୍ବାହୀ ନିର୍ଦ୍ଦେଶିକା ଲିଲା ଟ୍ରେଟିକୋଭଙ୍କ ଇସ୍ତଫା ପରେ କାର୍ଯ୍ୟନିର୍ବାହୀ ନିର୍ଦ୍ଦେଶିକା ଭାବେ ଦାୟିତ୍ୱ ଗ୍ରହଣ କରିଥିଲେ ।[୧୧][୧୨] ମହେର ୨୦୧୬ ଜୁନରେ ନିର୍ବାହୀ ନିର୍ଦ୍ଦେଶିକା ଭାବେ ନିଯୁକ୍ତ ହୋଇଥିଲେ । ୨୦୧୬ ଜୁନ ୨୪ରେ ୨୦୧୬ ଉଇକିମାନିଆରେ ଇଟାଲୀର ଏସିନୋ ଲାରିଓରେ ଜିମି ୱେଲ୍ସଙ୍କଦ୍ୱାରା ଏହି ଘୋଷଣା କରାଯାଇଥିଲା [୨][୩]
ଟେକନୋଲୋଜି ମାଧ୍ୟମରେ ଲୋକଙ୍କ ତଥ୍ୟ ପାଇବାର ଆଧିକାର ଉନ୍ନତ କରିବା ପାଇଁ ବିଶ୍ୱ ଡିଜିଟାଲ ଅନ୍ତର୍ଭୁକ୍ତି ଉପରେ ସେ ଧ୍ୟାନ ଦେଉଛନ୍ତି ବୋଲି ମହେର ଜଣାଇଥିଲେ ।[୧][୧୩]
ନେତୃତ୍ୱ
[[ଫା|thumb|ଓଡ଼ିଆ ଉଇକିପିଡ଼ିଆର ୧୬ତମ ଜନ୍ମତିଥି ଅବସରରେ ଉଇକିଆଳିଙ୍କ ଉଦ୍ଦେଶ୍ୟରେ ମହେର ପଠାଇଥିବା ଏକ ଭିଡ଼ିଓ ସନ୍ଦେଶ ]]
- ୨୦୧୧: ୟୁଥ ଫର ଟେକନୋଲୋଜି ଫାଉଣ୍ଡେସନ, ବୋର୍ଡ଼ ମେମ୍ବର[୧୪]
- ୨୦୧୩: ଟ୍ରୁମ୍ୟାନ ନ୍ୟାସନାଲ ସିକୁରିଟି ପ୍ରୋଜେକ୍ଟ, ପଲିସି ଫେଲୋ, ନ୍ୟାସନାଲ ସିକ୍ୟୁରିଟି ଫେଲୋ, ଏବଂ ରିସର୍ଚ ଫେଲୋ, ଡେମୋକ୍ରାସି ଆଣ୍ଡ ହ୍ୟୁମାନ ରାଇଟ୍ସ ଇନିସିଏଟିଭ[୧୫][୧୬]
- ୨୦୧୩: ଓପନ ଟେକନୋଲୋଜି ଫଣ୍ଡ, ଉପଦେଷ୍ଟା କମିଟି ସଭ୍ୟ[୧୭]
- ୨୦୧୬: ୱାର୍ଲ୍ଡ଼ ଇକୋନୋମିକ ଫୋରମ, ସଭ୍ୟ, ଗ୍ଲୋବାଲ ନେଟୱାର୍କ କାଉନସିଲ ଅନ ଦି ଫ୍ୟୁଚର ଅଫ ହ୍ୟୁମାନ ରାଇଟ୍ସ[୧୮][୧୯]
- ୨୦୧୮: ଉଇକିଡାଟା ୟୁକେ ହାକାଥନ, ନିଉଜସ୍ପିକ ହାଉସରେ ଭାଷଣ
- ୨୦୧୮: ଅକ୍ସଫୋର୍ଡ଼ ଇଉନିଅନ, ଟେକନୋଲୋଜି ଓ ସାମ୍ରାଜ୍ୟ ବାବଦରେ[୨୦]