ଆରତୀ ମୁଖାର୍ଜୀ
ଆରତୀ ମୁଖାର୍ଜୀ (ଜନ୍ମ : ୧୮ ଜୁଲାଇ ୧୯୪୩) ଜଣେ ବଙ୍ଗଳାଦେଶୀ କଣ୍ଠଶିଳ୍ପୀ ।[୧][୨] ସେ ବଙ୍ଗଳା, ଓଡ଼ିଆ ଓ ହିନ୍ଦୀ ଆଦି ଭାଷାର ଚଳଚ୍ଚିତ୍ରରେ କଣ୍ଠଦାନ କରିଛନ୍ତି । ଗୀତ ଗାତା ଚଲ, ମାସୁମ ଓ ତପସ୍ୟା ଆଦି ହିନ୍ଦୀ ଚଳଚ୍ଚିତ୍ର ତଥା ଅଭିଳାଷ, ଉଲ୍କା, ବାଟ ଅବାଟ, ମେଘମୁକ୍ତି, ଟିକେ ହସ ଟିକେ ଲୁହ ଆଦି ଓଡ଼ିଆ ଚଳଚ୍ଚିତ୍ରରେ ସେ କଣ୍ଠଦାନ କରିଥିଲେ ।
ଆରତୀ ମୁଖାର୍ଜୀ | |
|---|---|
| ଜନ୍ମ | ୧୮ ଜୁଲାଇ ୧୯୪୩ ଢାକା, ବଙ୍ଗଳାଦେଶ |
| ଶୈଳୀ | ଭାରତୀୟ ଶାସ୍ତ୍ରୀୟ ସଙ୍ଗୀତ, ପ୍ରଚ୍ଚଦପଟ୍ଟ ଗାୟନ |
| ପେଷା | କଣ୍ଠଶିଳ୍ପୀ |
| କାର୍ଯ୍ୟକାଳ | ୧୯୬୧ରୁ ଏପର୍ଯ୍ୟନ୍ତ |
ପ୍ରାରମ୍ଭିକ ଜୀବନ
ଆରତୀ ଢାକାର ଏକ ବଙ୍ଗାଳୀ ପରିବାରରେ ଜନ୍ମଗ୍ରହଣ କରିଥିଲେ । ତାଙ୍କ ମା ତାଙ୍କୁ ସଙ୍ଗୀତ ପ୍ରତି ଆକର୍ଷିତ କରାଇଥିଲେ । ସୁଶୀଳ ବାନାର୍ଜୀ, ଉସ୍ତାଦ ମହମ୍ମଦ ସାଗୀରୁଦ୍ଦିନ ଖାନ, ପଣ୍ଡିତ ଚିନ୍ମୟ ଲାହିରୀ, ପଣ୍ଡିତ ଲକ୍ଷ୍ମଣ ପ୍ରସାଦ ଜୟପୁରୱାଲେ ଓ ପଣ୍ଡିତ ରମେଶ ନନ୍ଦକର୍ଣ୍ଣୀଙ୍କଠାରୁ ସେ ସଙ୍ଗୀତ ଶିକ୍ଷା କରିଥିଲେ ।
ପ୍ରଚ୍ଛଦପଟ୍ଟ ଗାୟନ
୧୯୫୫ ମସିହାରେ ଏକ ସର୍ବଭାରତୀୟ ସଙ୍ଗୀତ ପ୍ରତିଯୋଗିତା ମେଟ୍ରୋ ମର୍ଫି କଣ୍ଟେଷ୍ଟରେ ସେ ଭାଗନେଇଥିଲେ । ସେତେବେଳକୁ ତାଙ୍କୁ ୧୪/୧୫ ବର୍ଷ ବୟସ ହୋଇଥାଏ । ଏହି ପ୍ରତିଯୋଗିତାରେ ଅନୀଲ ବିଶ୍ୱାସ, ନୌସାଦ, ବସନ୍ତ ଦେଶାଈ ଓ ସି ରାମଚନ୍ଦ୍ର ଆଦି ସଙ୍ଗୀତ ନିର୍ଦ୍ଦେଶକମାନେ ବିଚାରକ ଥିଲେ । ଏହି ପ୍ରତିଯୋଗିତାରେ ଆରତୀ ବିଜୟୀ ହୋଇଥିଲେ ଓ ଏହା ତାଙ୍କୁ ପ୍ରଚ୍ଛଦପଟ୍ଟ ଗାୟନକୁ ବାଟ କଢ଼େଇଥିଲା ।[୩] ୧୯୫୮ ମସିହାରେ ସେ ହିନ୍ଦୀ ଚଳଚ୍ଚିତ୍ର ସହରରେ ଗୀତ ଗାଇବାର ପ୍ରଥମ ସୁଯୋଗ ପାଇଥିଲେ । ଏହାପରେ ସେ ଅନେକ ହିନ୍ଦୀ, ବଙ୍ଗଳା, ଗୁଜରାଟୀ ଓ ଓଡ଼ିଆ ଚଳଚ୍ଚିତ୍ରରେ ଗୀତ ଗାଇଛନ୍ତି ।
ଓଡ଼ିଆ ଚଳଚ୍ଚିତ୍ରରେ ପ୍ରଚ୍ଛଦପଟ୍ଟ ଗୀତ
ସମ୍ମାନ ଓ ପୁରସ୍କାର
- ସଙ୍ଗୀତ ସୁଧାକାର ବାଳକୃଷ୍ଣ ଦାସ ପୁରସ୍କାର[୬]
- ଲାଇଫଟାଇମ ଆଚିଭମେଣ୍ଟ ସମ୍ମାନ - ୨୦୧୫(ଓଡ଼ିଶା ସରକାର)
- ଶ୍ରେଷ୍ଠ ପ୍ରଚ୍ଛଦପଟ୍ଟ ଗାୟିକା - ୧୯୬୫,୧୯୬୭,୧୯୭୬ (ବେଙ୍ଗଲ ଫିଲ୍ମ ଜର୍ଣ୍ଣାଲିଷ୍ଟ ଆସୋସିଏସନ)
- ଫିଲ୍ମଫେୟାର ଶ୍ରେଷ୍ଠ ପ୍ରଚ୍ଛଦପଟ୍ଟ ଗାୟିକା - ୧୯୮୩ (ଦୋ ନେନା ଏକ କାହାଣୀ, ମାସୁମ ଚଳଚ୍ଚିତ୍ର)
- ଲାଇଫଟାଇମ ଆଚିଭମେଣ୍ଟ ସମ୍ମାନ - ୨୦୧୬(ଟାଇମ୍ସ ଅଫ ଇଣ୍ଡିଆ)
ଆଧାର
ବାହାର ଆଧାର
- ଇଣ୍ଟରନେଟ ମୁଭି ଡାଟାବେସରେ ଆରତୀ ମୁଖାର୍ଜୀ
- Aarti Mukherjee on Calcuttaweb at the Wayback Machine (archived 13 February 2009) (in Hindi)