Urdòs

Urdòs (Urdos en francés) qu'ei ua comuna de Bearn situada dens la Vath d'Aspa e administrada peth departament deths Pirenèus Atlantics dera region de Navèra Aquitània, ancianament d'Aquitània.

Urdòs
Urdos

Geografia fisica

Coordenadas

42° 52′ 27″ N, 0° 33′ 13″ O

Superfícia

36,27 km²

Altituds
· Maximala
· Mejana
· Minimala

2 379 m
784 m
708 m

Geografia politica

França

Canton d'Auloron-1 (Acós abans 2015)

Intercom
246401624

CC deth Haut Bearn

Cònsol

Jacques Marquèze
(2020-2026)

Geografia umana

Populacion
Populacion totala
(2019)

66 ab.

Evolucion de la populacion

67 ab.

Densitat

1,9 ab./km²

Autras informacions

(en francés)

64490

Qu'ei la vila on Canela, ua de las darrèras orsas pirenenca e ho executada per un caçaire espaventat.

Geografia

Toponimia

Era prononciacion qu'ei [yr'dɔs]. Eras fòrmas ancianas que son Forum Ligneum (sègle III, Itinerari d'Antonin; identificacion ipotetica a Urdos, qu'ei benlhèu Lascun), Urdos en 1615 e cap a 1630, Urdos (mapa de Cassini, ara fin deth sègla XVIIIau ^[1].

Gerhard Rohlfs, citat per Grosclaude, que dona duas possibilitats, 1. eth cognomen gau Urdo, 2. eth radicau basco urdi, « pòrc » ^[1].

Dauzat que dona tres possibilitats, 1. eth nom germanic d'òmi Huzda, 2. eth nom galloroman (= gau) d'òmi Urdo o Uritus, 3. eth radicau basco urdi, « pòrc » ^[2].

Miquèu Grosclaude non cred pas aras ipotèsis germanicas o celticas e que constata era onomastica basca utiliza pas eths noms d'animaus, a despart deth lop. Mès que i a autas ipotèsis :

Luchaire que pensava lo radicau urd-/urs- avè eth sens de « passatge, pòrt »;
Jacques Allières qu'interprèta com un derivat de ur-, « aiga », exemple urte, « flus d'aiga, aigat »;
J.B. Orpustan qu'i ved eth radicau aquitanic urd-, qui a benlhèu per sens « plana, planèr » (basco actuau ordo, « plat, unit » e ordoki « plana, planèr »).

Grosclaude que compara dab Urdès : un sens idronimic qu'ei exclut, mès eth sens de « replan (fr. replat) » qu'ei adaptat. Eth radicau urd- qu'ei benlhèu l'equivalent deth occitan plan. Per Urdòs, dab eth sufixe « aquitanic » -ossum, que seré « un lòc on i a un replan » ^[1]. Urdòs qu'ei dens l'arribèra, en suspart deth Gave; ath nòrd e ath sud, era vath que s'estreteish.