Tricholoma sulphureum

Lo tricolòma sofrat (Tricholoma sulphureum en latin) es un bolet dau genre Tricholoma e de la familha dei Tricholomataceae.

Es un bolet de color jaune sofre amb un capèu de 6 a 10 cm, inicialament convèx, e que tend a s'aplatir. Lei lamellas son jaunas, espessas e espaçadas amb d'esppòras de color blanc jaune. A una odor fòrça caracteristica de sofre. Es una espècia toxica que creis de julhet a octòbre dins lei seuvas de fuelhuts sus de terrens acids. De confusions son possiblas amb d'autreis espècias de tricolòmas que son egalament jaunas coma lo tricolòma porporat.