Sent Somplesi

Es una comuna de l'Airal urban de Tolosa

Comunas confrontantas de Sent Somplesi

Montaut		Aurivalh
		La Gràcia de Dieu
Montgasin	Lesat (departament d'Arièja)	Espèrça

Lo nom de Sent Somplesi es lo d'un avesque de Borges, o dos segon los autors, als sègles VI e VII^[5],[6]. En toponimia, se rencontra la fòrma sabenta de son nom (Sulpici), normalament artificiala, o de fòrmas d'evolucion populara (Somplesi, Soplesi, Soplèsi, Sepise, etc), o tanben de fòrmas d'evolucion populara influenciadas per la fòrma sabenta, generalament utilizada en francés. Sèm aicí dins lo segond cas.

Pendent l'Ancian Regime, Sent Somplesi èra de la diocèsi civila de Rius, doncas de la província de Lengadòc, de la generalitat de Tolosa, de la diocèsi de Rius, de la senescauciá de Tolosa. De 1790 a l'an IV, la comuna èra Saint-Sulpice et Sainte-Colombe. En 1790, Sent Somplesi qu'èra caplòc de son canton, puish passèt au canton de Carbona en 1801. Saint-Sulpice prenguèt oficialament le nom de Saint-Sulpice-sur-Lèze per decret deu 22 de març 1929. La glèisa es devath lo patronatge de Sent Somplesi ^[7]. Senta Colom(b)a èra una parròquia annèxa d'Aurivalh situada a l'èst de Sent Somplesi, prèp de Mader. Lo Dictionnaire des localités de la Haute-Garonne la plaça dins La Gràcia de Dieu, mès es probablament una error; Senta Colom(b)a èra de la diocèsi de Rius e de la senescauciá de Tolosa ^[8],[9]. Lo lòc a disparegut.

Saintes èra una autra parròquia annèxa d'Aurivalh, al limit de las comunas de Sent Somplesi e de La Gràcia de Dieu. Èra de la diocèsi de Rius e de la senescauciá de Tolosa. La glèisa (del vocable de Sent Pèire) a disparegut ^[10], demòra lo vilatge sus la RD 622.

• Abans la refòrma cantonala de 2014, aplicada en 2015, la comuna èra deu canton de Carbona; es ara deu canton d'Autariba.

• Portal de Lengadòc