Las fòrmas ancianas son Sanctus Emilionus, Sanctus Milionus, en latin, aus sègles XI-XIII, S. Milionem, en latin, en 1228, S. Emilianum, en latin, en 1242, Sanctum-Emilianum, en latin, en 1273, de Sancto Emiliano, en latin, en 1274, Sancto Milione, en latin, en 1279, Sancti Emiliani, en latin, en 1288, Petrus de Sancto Emilione, en latin, en 1299, VIlla, honor...Sanctus Emilianus, en latin, en 1307-1317, Emilio, Milio, en latin, en 1307-1317, Seint Melion, en 1363-1364[2], St-Melio en 1378[3].
Lo sent onorat dens lo nom de la comuna seré AEmilianus, avesque de Nantas au sègle VIII [4],[5]. Pr'aquò Ernèst Negre, citat per Bénédicte Boyrie-Fénié, aima mèi un monge, Emilion. L'aferèsi (Emilion > Milion) apareis tanlèu l'Edat Mejana dens los tèxtes. Bénédicte Boyrie-Fénié causís la fòrma improbabla de *Sent Milion e una prononciacion, impossibla en gascon, [semi'ʎu] e donc supausada, maugrat la fòrma de 1363-1364 [6],[7].
En 1923, Pierre Bertin-Roulleau, archivista de la Societat Istorica e Arqueologica de Sent Melhon (traduccion) utiliza la fòrma Semelione[8], d'aparéncia latina. Pòt estar una fòrma atestada o simplament una latinizacion bastida d'après lo nom en occitan. Quala que sisca la solucion, es una pròva que lo nom autentic es Semelhon, esquematicament [sœmœ'ʎun] (una prononciacion *[sœmœ'liun], sense palatalizacion de l davant i es impossibla dens la fonetica locala), que fau grafiar regularament e etimologicament Sent Melhon (emb lh coma dens Milhan, Milhac). Cf. Sent Bebian de Medòc articulat [seme'bjan]. La prononciacion [sœmi'ʎun] es pas impossibla, mes existís ? Es valabla per lo cepatge.
Comunas deGirondaen Gasconha lingüistica (comunas actualas, comunas que contenen comunas delegadas, ancianas comunas, ancianas comunas vengudas comunas delegadas)