Salvatèrra de Lemança

La prononciacion es ['salbɔ'tɛrro de le'maŋsɔ]. Las fòrmas ancianas son : Vart (A vart et in parrochia de ~), en 1259, Vars (parrochia de ~), en 1271, Salveterre, en 1303, Salvaterra, en 1307-1317, Vardo (capella de ~), en 1326, Vardo Agennum di. (Guillelmo de Poiroforcato conf. parroch. eccl. de ~), en 1335, Salvaterra (Lous de ~), en 1341, Anarto (r. de ~) (mal legit, corregir en Avarto), en 1520, Salvaterra (Aberto seu ~) et annexa ejus sancti Petri de Bonavalle, sense data, e Sauveterre (Barthélémy de Bars dit ~), en 1601 ^[2].

Lo nom de salva tèrra es lo d'una tèrra que beneficia del drech d'asil, acordat per la Glèisa. Es un sinonime de salvetat ^[3],[4].

Vars o Vart/Vard, nom disparegut desempuèi, es lo nom de la glèisa del sègle XII e d'un vilatge que deviá èsser primitivament sul ròc que domina lo vilatge actual, puèi que davalèt dins la ribièra al sègle XII (epòca ont bastiguèron la glèisa romanica). Vars (?), coma Vars (Auts Aups), seriá un oronime preindoeuropèu segon Bénédicte Boyrie-Fénié; segon Xavier Delamarre, i a una tribú (celtica ?) de Varciani en Panonia, un nom d'òme Varcianus qu'en deriva e un luèc antic Varcia en Gàllia; *Uarcios es benlèu un nom de persona e *Uarcion, la proprietat de *Uarcios, auriá donat Varç, levat se *uarcio- a un sens descriptiu e donc es pas un nom de persona^[5]. Lo gallic sembla s'impausar sul preindoeuropèu. Salvatèrra foguèt fondat a costat al sègle XIII e son nom s'espandiguèt a l'ensemble. La partida a l'entorn del castèl es nommada La Vila^[2].

Lo determinant Lemança, nom d'un riu que i passa, es format de lemo, « orme, olm » e del sufixe -antia, present dins plan d'idronimes. Es donc purament celtic ^[6].

• Abans la refòrma cantonala de 2014, aplicada en 2015, la comuna èra del canton de Fumèl; es ara del canton de Le Fumélois (en francés).

modificar « persona »  v · d · m  Evolucion demografica Populacion comunala actuala (2013): 552, totala: 563
1793	1800	1806	1821	1831	1836	1841	1846	1851
1 062	1 104	1 150	1 603	1 630	1 424	1 455	1 318	1 347
1856	1861	1866	1872	1876	1881	1886	1891	1896
1 295	1 354	1 200	1 146	1 176	1 202	1 209	1 122	1 076
1901	1906	1911	1921	1926	1931	1936	1946	1954
1 089	1 095	1 112	935	894	851	752	798	842
1962	1968	1975	1982	1990	1999	2006	2007	2008
977	873	824	743	685	623	603	598	592 602
2009	2010
587 597	586 596
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE

• En 2018 la populacion èra de 557 abitants e la densitat èra de 23,74 ab/km².

• Castèl dels reis-ducs (sègles XIII-XVI)
• Glèisa en partida romanica, en partida del sègle XIX
• Jaciment preïstoric de Martinet
• Musèu de preïstòria mesolitica Laurent Coulonges.

• Comunas d'Òut e Garona

• Portau de Guiana