Las fòrmas ancianas donan pas d'informacions sus la prononciacion istorica en occitan : Sanctus Jacobus de Bladis, en latin, en 1420, Sainct-Jacques-des-Blatz, en 1638, Des Blats, en 1674, Sainct-Jaques-des-Blax, en 1681, Sainct-Jacques-des-Blas, en 1693 [2]. Sant Jacme pòt èsser Sant Jacme lo Major o Sant Jacme lo Menor [3],[4],[5] (Sant Jacme lo Just, fraire o cosin de Jèsus, es sovent confondut amb Sant Jacme lo Menor dins la crestiantat occidentala). L'origina, anciana, del determinant s'explica mal. Probable que cal pas prene lo mot « blat » al sens de « froment » en rason de l'altitud de la comuna, totjorn superiora a 800 m.