Riutòrt de Randon

Aquesta seccion es voida, pas pro detalhada o incompleta. Vòstra ajuda es benvenguda !

Dins l'ancian canton de Sench Amanç, Riutòrt aviá totes los caractèrs d'un chapluòc sense lo títol, comèrces e quitament la gendarmariá (de data immemoriala, benlèu dempuèi l'ancian canton de Riutòrt, entre 1790 e 1801). Dempuèi lo recampament recent de las comunautats de comunas, n'es venguda la residéncia, alara que Sench Amanç èra residéncia de l'anciana comunautat de La Tèrra de Randon (SIREN 244800355). De mai, la pus granda proximitat de Mende lo fa beneficiar dins una certana mesura de fenomèns de peri-urbanizacion. Dins quina mesura la preséncia recenta a son consolat de personas influentas (dos foguèron deputats, dos conselhièrs generals e lo cònse actual es president de la CC coma n'èra de l'anciana) a facilitat son desvolopament ? Lo milhorament puslèu recent de la RD 1 (Maruèjols-Chastèlnòu de Randon (sense passar per Mende), amb desviament de Rieutòrt (pus anciana) es de segur una decision departamentala. La diferéncia de superficia comunala entre Sench Amanç e Riutòrt permet pas d'estudiar l'evolucion demografica per saber se lo canton oficial, que jamai foguèt pas una aglomeracion importanta (rarament pus de 400 abitants dins la comuna) a perdudas d'activitats comercialas a l'avantatge de Riutòrt. Çò segur es los bastiments ancians de las doás aglomeracions mòstran que Riutòrt èra dejà pus important que Sench Amanç al sègle XIX. Probable que Sench Amanç foguèt chausit coma chapluòc sonque perqué èra pus central dins lo canton.

Lo 1èr de genièr 2019, Riutòrt de Randon es chapluòc de Monts de Randon, que compren tanben Estables, Cervièira, La Vialadiu e l'ancian chapluòc de canton.

Comunas confrontantas de Riutòrt de Randon

Sench Amanç, Ribenas	Estables	Arzenc de Randon
La Cham
Cervièira	Lo Chastèl	Lo Bòrn

La prononciacion es [rri'tɔr] o [rri'tɔr de rran'du] a Montrodat, [rri'tɔr] a Sent Gal, Ribenas, Recola de Fumaç, etc ^[2].

Riutòrt es compausat de riu, del latin rivus e de l'adjectiu tòrt, del latin tortus ^[3]. Lo sens es evident e la motivacion deu èsser lo cors del riu del Boschet (Ruisseau du Bouchet en francés), que s'ajusta a Colanha al nòrd del borg e que fa de corbas coma tot riu, mas pas mai qu'aquò.

Lo determinant Randon, oficial dempuèi 1961 ^[4], es lo nom d'una familha que possedissiá una baroniá importanta. Lor chastèl principal èra a Puèg David (près d’Estables), puèi a Chastèlnòu de Randon.

• Riutòrt foguèt canton de 1793 a 1801 ^[5].

• Abans la refòrma cantonala de 2014, aplicada en 2015, la comuna èra del canton de Sench Amanç; es ara del canton de Sent Auban.

modificar « persona »  v · d · m  Evolucion demografica Populacion comunala actuala (2013): 765, totala: 777
1793	1800	1806	1821	1831	1836	1841	1846	1851
1 800	1 500	1 750	1 262	1 139	1 327	1 381	1 370	1 331
1856	1861	1866	1872	1876	1881	1886	1891	1896
1 305	1 280	1 364	1 421	1 508	1 568	1 587	1 606	1 525
1901	1906	1911	1921	1926	1931	1936	1946	1954
1 635	1 688	1 739	1 624	1 554	1 384	1 349	1 188	1 032
1962	1968	1975	1982	1990	1999	2006	2007	2008
897	715	684	661	585	646	731	744	756 775
2009	2010
756 773	756 769
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE

• 2016 : 775

• Denis Salaville, deputat (1977-1978)
• Francis Saint-Léger, deputat (2002-2012)

• Siti del conselh general de Losera (fr)

• Portal de Lengadòc