Nefertiti

Nefertiti (vèrs 1370 - vèrs 1334 ò 1333 avC) es una rèina d'Egipte que foguèt l'esposa dau faraon Akhenaton (vèrs 1355/1353 - vèrs 1338-1337 avC). Reconeguda per sa beutat, foguèt lo modèl de plusors esculturas famosas coma un bust de cauquier policròm e una tèsta inacabada de qüarsita ròsa.

Fidèla dau dieu Aton, sostenguèt la revolucion religiosa de son marit que decidèt d'instaurar un culte monoteïsta centrat sus lo dieu solar. Auriá ansin menat de ceremònias d'ofèrtas au nom dau faraon e tengut un ròtle important dins l'exercici dau poder reiau. Dispareguèt subran dei fònts istoricas vèrs 1338-1337 avC. La causa d'aquela disparicion (mòrt, exili, cambiament de nom ?) es desconeguda.