Maspièr de la Lonquèra e Julhac

Maspièr, la Lonquèra e Julhac (Maspie-Lalonquère-Juillacq en francés) qu'ei ua comuna bearnesa administrada peu departament deus Pirenèus Atlantics e la region de Navèra Aquitània, ancianament d'Aquitània.

Maspièr, la Lonquèra e Julhac
Maspie-Lalonquère-Juillacq

Geografia fisica

Coordenadas

43° 25′ 26″ N, 0° 08′ 51″ O

Superfícia

10,76 km²

Altituds
· Maximala
· Mejana
· Minimala

336 m
221 m
179 m

Geografia politica

França

Pau

Tèrras deus Luis e Tuquets deu Vic Vilh (Lenveja abans 2015)

Intercom
246401632

CC deu Nòrd-Èst Bearn (2017 ---->)

Cònsol

Éliane Capdevielle
(2020-2026)

Geografia umana

Populacion
Populacion totala
(2019)

250 ab.

Evolucion de la populacion

261 ab.

Densitat

26,02 ab./km²

Autras informacions

Còde postal

64350

Còde INSEE

64369

Geografia

Toponimia

Julhac

La prononciacion qu'ei [jy'ʎak]. Las fòrmas ancianas que son Jullac au sègle XII, Julhac en 1227 e 1385, Jullaq en 1777, Juillacq (mapa de Cassini, a la fin deu sègle XVIIIau), Maspie-Lalonquère-Juillacq despuish 1842, quan apleguèn Julhac a las autas duas comunas[, dejà fusionadas en 1831] ^[1].

Segon Dauzat, lo nom que vien deu nom latin d'òmi Julius, dab lo sufixe galloroman -acum. Julhac qu'èra la proprietat de Julius ^[2]^,^[1].

La Lonquèra

La prononciacion qu'ei [lalun'kɛrɔ]. Las fòrmas ancianas que son Lalonquere en 1385, La Loncquera en 1538, La Lonquere(mapa de Cassini, a la fin deu sègle XVIIIau), Maspie-Lalonquère-Juillacq despuish 1842, quan apleguèn Julhac a las autas duas comunas[, dejà fusionadas en 1831] ^[3].

La ei pas ua reduccion de lana; que sembla donc un article definit. Lo mot lounguère/lounquère qu'ei un nom comun donat dens lo diccionari de Palay dab lo sens de « causa alongada o qui's perlonga »; lo nom qu'ei benlhèu motivat per ua tèrra alongada ^[3].

Maspier

Toponimia

La prononciacion qu'ei [mas'pjɛ]. Las fòrmas ancianas que son Mespie en 1385, Maspie (mapa de Cassini, a la fin deu sègle XVIIIau), Maspie-Lalonquère-Juillacq despuish 1842, quan apleguèn Julhac a las autas duas comunas[, dejà fusionadas en 1831] ^[4].

Segon Dauzat e Rostaing, lo nom qu'ei escur; qu'ei benlhèu format de mas e deu latin spina, « espina » ^[5].

Segon Miquèu Grosclaude, Dauzat coneishèva pas la prononciacion. Pr'amor de la fòrma de 1385, mesplèr que seré ua ipotèsi; mès perqué aurén dit maspièr quan mesplèr ei plan coneishut ? Auta ipotèsi, *maspi(n)èr « mas enter los pins »; la dificultat qu'ei mas, deu latin mansionem, ei desconeishut de la toponimia bearnesa. Lo nom que demora escur ^[4].