Lots
| Los (Lots) | |
|---|---|
 Pont suu Los, enter Larbei e Caupena (pròishe de "Cam-de-Lous") | |
| Caracteristicas | |
| Longor | 86 km |
| Bacin | 286 km2 |
| Bacin collector | Bacin d'Ador |
| Debit mejan | ? |
| Riu | |
| Font | Tèsa |
| · Coordenadas | 43° 28′ 05″ N, 0° 19′ 39″ O |
| Confluéncia | Gòs |
| · Coordenadas | 43° 44′ 28″ N, 0° 56′ 03″ O |
| S'escampa dins | Ador |
| Geografia | |
| Afluents principals | |
| · Riba drecha | La Guauga |
| Païses traversats |  França |
| Regions traversadas |  Gasconha |
| Vilas principalas | |
Lots (prononciar ['lus]) qu'es un arriu qui's vueita per esquèrra dehens Ador enter Gabàs e Lui, suu departament de las Lanas
Etimologia
"Los" que poderé estar ua fòrma alterada e latinizada d’un derivat deu basco lohi « hanga, alluvion »[1] : arriu hangós.
Lo nom de 'queth arriu qu'es mentavut :
- Lossium, Lossio (...fluvius qui dicitur Lossium [...]. A Lossio vero predicto fluvio, .... ), (1097-1117) [2].
- Lotio (de Serris Lotio), (1749)[3].
- Los (Serra Los), (de cap a 1400) : sagèth de Bertranon de Sèrras[4].
- Lous (Le Lous), (1651)[5], (1763)[6].
- Lons o Loust (le/la Lons ou Loust), (1764)[7].
- Louts : grafia francesa actuau ; lo « t » que deut estar adventice.
Geografia
Los qu'a la hont a Tèsa (Pirenèus Atlantics). Que traversa la Shalòssa e que's vueita dens Ador a Gòs, a l'Est de Dacs. Que hè 86,2 km[8].
Comunas traversadas
Tèsa, Arsac Arrasiguet, Lème, Lo Merac, Vinhas, Haget, Sent Cric de Shalòssa, Vergüei, Caupena.
Principaus afluents
- (E) l' Arblech o l'Arriu, 5,9 km, dempuish Arsac Arrasiguet
- (E) l'Arricabet, 3,7 km, dempuish Hilhondé
- (E) lo canau deu Biélongue, 5,5 km, dempuish Arbocava
- (E) l'arriu de Grava, 7,2 km, dempuish Montsegur
- (D) l'arriu de Casseboèr o deu Gua deu Miei
- (D) l'Arriu d'Agès o deu Gua deu Miei
- (E) l'arriu de "Dournang"[9], dempuish La Craba
- (D) l'Arresenon, 6,9 km, qui separa Doasit de Sèrraslós e Arribans e de Sent Cric de Shalòssa
- (D) l'arriu de Gaushart, 4 km, qui separa Doasit de Mailís
- (D) l'arriu de Lauròla, 5,6 km, dempuish Mailís
- (D) la Guauga, 14,9 km, dempuish Doasit
- (D) l'arriu de Chai, 6 km, dempuish Mugron
- (E) l'arriu de Peleta, 4,2 km, dempuish Gamarde
Toponimia
Toponims on pareish lo nom de l’arriu :
- Sèrraslós e Arribans (Serreslous-et-Arribans[10]), nom de comuna.
- Loson (Lousoun) : petit afluent deu Los, sus la comuna de Sèrraslós e Arribans.
- Los (Lous[11]) : nom de maison, a Mailís.
- Candelós (Candélous, Cam-de-Lous[11]) : lòc-dit sus la comuna de Larbei.
- Baish deu Los (Bas du Lous[11]), comuna de Lórquen.
- Franc-Louts : arrebatiada de la comuna de Sent Jors d'Auribat pendent la Revolucion.
Nòtas
🔥 Top keywords: AcuèlhCarles PuigdemontWikipèdia:ContacteWikipèdia:ComunautatEspecial:Recèrca8 de febrièrEstats Units d'AmericaEspecial:Darrièrs cambiamentsSegonda Guèrra MondialaWikipèdiaContact-urlOccitanAjuda:EnsenhadorWikipèdia:La tavèrnaQuercus ilexWikipèdia:Avertiments generalsNiçaAcièrMammaliaUlysses S. GrantPapirCamacrusa26 de febrièrDelawareAsunciónAlces alcesEspecial:Mas discussionsFlaiac (Engolmés)Primièr cònsolPortal:Actualitats e evenimentsGredonPremsaFinzy KontiniJoan Jacme DelmasWikipèdia:BòtAude (omonimia)MarselhaOccitàniaGost