Lista dels comtes de Peitieus

• Guerin de Trèvas es lo primièr comte de Peitieus conegut, al sègle VII.
• Aton, comte de Peitieus aprèp 735, fraire de Unòld, rei de Tolosa, que li crebèt los uèlhs
• Abon nomenat per Carlesmanhe en 778, comte almens fins a 791 (eventualament fins a 811^[1])

• un Ricuin, mai tard comte de Nantas, es citat en 811 e 814/815, mas sens que se pòsca èsser segur d’una presa de foncions efectiva^[2].
• Bernat, citat en 815^[3] e en 825

• Emenon de Peitieus, nomenat en 828 destituit en 839 (sostenguèt la revòlta de Pepin II d'Aquitània), fraire de Bernat de Peitieus
• Renaud de Peitieus, comte en 839 e 840
• Bernat de Peitieus, comte de 840 a 844, fraire d'Emenon de Peitieus. Maridat amb Bilchilda (filha de Rorgon Ièr de Maine), aguèt un filh Bernat de Gotia.
• Ramnulf Ièr de Peitieus (o Renolh) comte de 839 a 866, filh del comte Geraud d'Auvèrnhe, venguèt lo bèl fraire de Bernat de Peitieus en se maridant amb Adaltruda de Maine, sòrre de Bilchida de Maine e de Rorgon Ièr de Maine. Veus, esposèt Bichilda, veusa de Bernat de Peitieus.
• Bernat de Gotia, comte de 866 a 877, filh de Bernat de Peitieus, bèl filh de Ramnulf I^èr
• Ramnulf II de Peitieus comte de 878 a 890 filh de Ramnulf I^èr e de Bilchida de Maine.
• Ademar o Aymar, s'intercala dins aquela linhada de 892 a 902, mòrt en 926. Es parent d'Eudes, rei de França. A cap de moment, pòrta pas lo títol de comte.

• Ebles Manzer (lo Bastard) comte de 890 a 892, puèi de 902 a 934, filh bastard de Ramnulf II

A partir de Guilhèm Cap d'Estopa, totes los comtes de Peitieus tanben son ducs d'Aquitània e pòrtan un numèro d'òrdre doble : lo primièr pel comtat de Peitieus, lo segond pel ducat d'Aquitània. Mentre que la dinastia demòre peitavina, e que Peitieus demòre una de las capitalas, generalament s'utiliza lo segond, per de rasons de prestigi.

• Guilhèm Cap d'Estopa comte de 934 a 963 filh del precedent
• Guilhèm Fièrbraç comte de 963 a 995 filh del precedent
• Guilhèm V lo Grand comte de 995 a 1030 filh del precedent.
• Guilhèm VI lo Gròs comte de 1030 a 1038 filh del precedent
• Eudes comte de 1038 a 1039 filh de Guilhèm lo Grand e mièg fraire del precedent
• Guilhèm VII Aigret comte de 1039 a 1058 filh de Guilhèm lo Grand e mièg fraire dels precedents
• Guiu-Jaufré o Guilhèm VIII comte de 1058 a 1086 fraire del precedent
• Guilhèm IX lo Trobador comte de 1086 a 1126 filh del precedent
• Guilhèm X dich lo Tolosenc, comte de 1126 a 1137, filh del precedent
• Alienòr d'Aquitània (1122-1204), comtessa de 1137 a 1204, filha ainada del precedent, esposèt d'en primièr lo rei Loís VII de França, que ne divorcièt en 1152 per esposar lo rei Enric II d'Anglatèrra.

• Ricard Ièr Còr de Leon (1157-1199), comte de 1169 a 1196 e de 1198 a 1199, filh d'Alienòr d'Aquitània
• Oton de Brunswick, comte de 1196 a 1198 (don de Ricard Còr de Leon)
• Joan sens Tèrra (1166-1216), comte de 1199 a 1216, fraire del precedent
• Enric III d'Anglatèrra (1207-1272), comte de 1216 a 1224

• Anfós de Peitieus (1220-1271), comte de 1241 a 1271, fraire de sant Loís
• Felip lo Long (v. 1293-1322), comte en 1311, venguèt rei de França jol nom de Felip V

• Loís Ièr d'Anjau (1339-1384), comte de 1350 a 1354
• Carles V, comte de 1354 a 1369
• Joan I^èr, duc de Berric (1340-1416), comte de 1369 a 1416
• Joan de Valés (1398-1417), comte de 1416 a 1417
• Carles lo Victoriós (1403-1461), comte de 1417 a 1422, venguèt rei de França jol nom de Carles VII

• Francés Josèp de Ria, comte de 1695 a 1715

• Michel Dillange. Les Comtes de Poitou Ducs d'Aquitaine (778-1204). La Crèche : Geste éditions, 1995. ISBN 2-910919-09-9