Linha de demarcacion (França)
La linha de demarcacion (en alemand Demarkationslinie, contractat en Dema-Linie o Dema) èra en França, pendent la Segonda Guèrra Mondiala, lo limit entre la zona ocupada per l'armada alemanda e la zona liura non ocupada (dita zona sud a partir de novembre de 1942). Fixada per l’armistici del 22 de junh de 1940, èra longa d'aperaquí 1 200 km. Dintrèt en vigor lo 25 de junh de 1940, après la signatura de l'armistici entre Itàlia e França lo 24 de junh de 1940[1].
Se lo Governament francés, que demorava a Vichèi en zona liura, exerciá sa soberaneitat sus l'ensemble del territòri[2], dins los faits las condicions d'armistici balhavan de larges pders a las autoritats alemandas en zona ocupada. Limitavan aital fortament lo passatge d'una zona a l'autra amb l'obligacion d'aver un salconduit.
La linha de demarcacion foguèt suprimida lo 1èr de març de 1943, tres meses après l'invasion de la zona sud per las tropas alemandas.