Lhautadés

Lhautadés o Lutadés o Liutadés o Lo Lutadés (Lieutadès en francés) es una comuna auvernhata, situada dins lo departament del Cantal e la region d'Auvèrnhe-Ròse-Aups, ancianament d'Auvèrnhe.

Lhautadés
Lieutadès

Vista aeriana delh borg de Lhautadés.

Geografia fisica

Coordenadas

44° 50′ 27″ N, 2° 53′ 59″ E

Superfícia

39,91 km²

Altituds
· Maximala
· Mejana
· Minimala

1 136 m
934 m
621 m

Geografia politica

Auvèrnhe

França

Sant Flor

Nòvaglèisa (Chaldasaigas davant 2015)

Intercom
241501014

Sant Flor Comunautat

Cònsol

Robert Boudon
(2020-2026)

Geografia umana

Populacion
Populacion totala
(2018)

159 ab.

Evolucion de la populacion

161 ab.

Densitat

4,41 ab./km²

Autras informacions

Gentilici

Capujadous (en francés)

Còde postal

15110

Còde INSEE

15106

Segon Joan Francés Blanc, la comuna es despartida entre parlars lengadocians e un tèrç auvernhat^[1].

Geografia

Aquesta seccion es voida, pas pro detalhada o incompleta. Vòstra ajuda es benvenguda !

Perimètre delh territòri

Comunas confrontantas de **Lhautadés**
	Senta Mària	Espinassa
Cantoenh (Avairon)
La Calm (Avairon)		Jabrun

Toponimia

Las fòrmas ancianas son, per luòc:

Lhautadés - Lhautades en 1381; Lhautadez, Lheutades al sègle XV; Leotadès en 1628; Lioutadès en 1662; Lieutadex en 1671; Lieutadé en 1688; Lyoutades en 1718^[2].
Segon Dauzat e Rostaing, lo nom del vilatge vendriá del nom d'òme germanic Liuthad amb lo sufixe -ès (en realitat -és), del latin -ensem, ajustat tardivament^[3]. Mas, segon J. Lacroix dins Les noms d'origine gauloise, derivariá de la tribú gallesa dels Eleutetes qu'es citada per Cesar coma clienta dels Arvèrnes^[4]. Lo sol argument es la semblança fonetica. L'IEO Cantal prepausa la grafia Leutadés ^[5], que las prononciacions confirman pas : [lu lyta'dés] localament (una informatritz), [lyta'dés] o [ljyta'dés] (pas vertadèirament [ʎyta'dés]), a Espinassa e [ljyta'dés] a Jabrun, [ljuta'dés] a Las Verjas ^[6](la darrèira correspond a l'evolucion normala de las atestacions en Lhau- e a las atestacions de 1662 e 1718 e es doncas probablament la pus conservatritz). L'article utilizat dins lo borg es un accident o una evolucion recenta, las fòrmas en [ljy-] foneticament malaisada, se pòdon resòlver en [ly-] : mai lo luòc es près, mai la fòrma es innovatritz, mai es lònh, mai es conservatritz. Per o resumir tot, l'evolucion pòt èsser [ʎawta'dés] > [ʎuta'dés] (evolucion auvernhata normala de au- pretonic) > [ljuta'dés] (l'auvernhat a perduda l palatala) > [ljyta'dés] > [lyta'dés]; autra possibilitat pas tan probabla : [ʎawta'dés] > [ʎewta'dés] (las fòrmas en Lheu- o en Leo-, s'an aguda una correspondéncia dins la realitat) > [ʎiwta'dés] > [liwta'dés] > [ljuta'dés] > [ljyta'dés] > [lyta'dés]. La grafia pus etimologica e atestada al còp es Lhautadés, mas es pas locala.