Lebrèlh

Lebrèlh^[1]^,^[2]^,^[3]^,^[4] (Lebreil en francés) es una anciana comuna carcinòla administrada pel departament francés d’Òlt e la region d’Occitània, ancianament de Miègjorn-Pirenèus. Lebrèlh èra, entre lo 1èr de genièr de 2016 e 2020, una comuna delegada dins la comuna novèla de Montcuc de Carcin Blanc.

Lebrèlh
Lebreil

Geografia fisica

Coordenadas

44° 19′ 26″ N, 1° 10′ 08″ E

Superfícia

10,2 km²

Altituds
· Maximala
· Mejana
· Minimala

278 m
245 m
127 m

Geografia politica

Lusèg (Montcuc abans 2015)

Intercom
244600490

CC del Carcin Blanc

Cònsol

Bernard Roux (2016-2020)

Geografia umana

Populacion
Populacion totala
(2013)

178 ab.

Evolucion de la populacion

186 ab.

Densitat

17,45 ab./km²

Autras informacions

Còde postal

46800

Còde INSEE

46166

Divèrs

anciana comuna, ara dins Montcuc de Carcin Blanc

Geografia

Toponimia

Lebrèlh. La segonda sillaba seriá lo gallés *brogilos, « pichon bòsc a l'interior d'una paret o d'un randal » ^[5], o « jove talhada, riba boscosa d'un riu » ^[6]. Mas quina es la primièra ? Lo parlar es luènh del lengadocian meridional, qu'a l'article definit masculin le. Deuriam aver Lo Bruèlh ^[7], o l'article es francés. Basalgas escriu : Lobrèlh [sic, per Lo Bruèlh] o Lebrèlh, ambe l'article aglutinat lo o le en tolosan ^[8].
Caminèl (nom probable). Derivat de camin, ambe sufixe diminutiu -èl, del latin ellu(s) ?
Sent Amanç. Del nom del primièr avesque de Rodés, al sègle V, en latin Amantius ^[9], d'aquí la grafia Amanç e non pas *Amans;
de Cabramòrta o, dins la lenga modèrna, de Crabamòrta. Sembla dificil d'acceptar un tal determinant en toponimia, qu'es benlèu lo resultat d'una confusion deguda a una atraccion paronimica (a un nom d'origina qu'èra pas mai comprés, confondut ambe Cabremòrta, pr'amor d'una semblança fonetica).

Istòria

Lebrèlh annexèt, entre 1790 e 1794, Caminel e Saint-Amans-de-Cabremorte (noms franceses) ^[10], donc benlèu Caminèl e Sent Amanç de Crabamòrta.

De la formacion de Montcuc de Carcin Blanc a mai de 2020, Lebrèlh èra comuna delegada. En mai de 2020, las comunas delegadas foguèron suprimidas e Lebrèlh perdèt tota existéncia administrativa ^[11].