La Vit

Las fòrmas ancianas son nombrosas e contradictòrias : (familha) de Vita, au sègle XIII, ad caminum de La Vic, en 1282, Petrus de Bico, en 1285, Petrus de Bic, en 1296, P. Dastrueras de Lavit, en 1300, Bastida de la Vic, en 1301, Bastida de Vite, en 1321, castel de la Vit, en 1331, ville de Lavit, en 1333, hospitale de Vite, en 1343, de Viteriis, en 1345, intus castrum de Vite Leomannie, en 1378, rector de Vito, en 1382, loci de Vite in Leomania, en 1446, deudit loc de Lavit... lo dit de Lavit, en 1468, La Vit de Lomaigne, en 1478, la Vit de Leomaigne, en 1515, villa de Lavit de Lomanha, en 1575, Sanctus Jacobus de Vite Leomaniae, en 1645, La Vic de Lomagna, en 1650, 1653, 1663, La Vict, en 1667, Lavit, en 1761, Lavit de Lomagne (Cassini). La prononciacion es [la'bit] ^[2].

Ua interpretacion possibla es vitem, sinonime de vinea en latin, « vinha » ^[3]. Mès las prumèras atestacions mençonan pas la vit. Lo mot latin vicus, en latin « vilatge sense estatut », pareish tanlèu 1282. Mès lo mot es masculin e, de mèi d'epòca romana e La Vit se fondè pus tard. Benlèu vic se crosè damb lo nom de la familha de Vita. Ernèst Negre prepausa un derivat de *habitum (deu vèrbe habitare), que, damb los derivats de *habita, es anterior a la fòrma sufixada (a)vitarèla, « aubèrga peus viatjaires ». Sembla dificil de causir ua grafia en -v- o en -b-, mès las atestacions son màgerment en -v- ^[2].

En tot cas, lo complement de Lomanha se justifica per d'atestacions deu sègle XV (las pancartas a l'entrada de la vila donan la fòrma non oficiala Lavit de Lomagne).

• Abans la refòrma cantonala de 2014, aplicada en 2015, la comuna èra canton; es ara deu canton de Garonne-Lomagne-Brulhois (en francés), donc de Garona Lomanha Brulhés.

• Comunas de Tarn e Garona

• Portau de Gasconha