Invasion chinesa de Tibet
Invasion chinesa de Tibet | |
---|---|
Informacions generalas | |
Data | del 6 al 19 d'octobre de 1950 |
Luòc | Chamdo, Tibet |
Eissida | Victòria militara chinesa e signatura de l'Accòrd en 17 punts. |
L’Invasion chinesa de Tibet se debanèt en octòbre e novembre de 1950. Opausèt China a Tibet e s'acabèt per un succès rapid de las fòrças chinesas. Desfaches a Chamdo, los tibetans deguèron acceptar las condicions de Pequin que foguèron signadas en mai de 1951 e l'armada chinesa poguèt dintrar sens combat dins Lassà lo 26 d’octòbre de 1951.
Aquela operacion militara, opausant los 8 500 òmes de l'armada tibetana a aperaquí 40 000 militars chineses, es sonada « batalha de Chamdo » pel govèrn chinés[1],[2],[3],[1] Es sonada « invasion de Tibet » pel govèrn tibetan en exil. L'Accòrd en 17 punts foguèt signat en 1951 per de representants del dalai lama e lo govèrn de la RPC, afirmant la sobeiranetat chinesa sus Tibet.
Segon lo govèrn tibetan en exil, lo Tibet vençut e jos l'amenaça del mandadís d'una armada a Lassà aviá pas d'autra causida que de signar l'accòrd en 17 punts en 1951[4], tractat que foguét denonciat pel dalai lama al dzong de Lhuntsé tre son arribada en Índia en 1959[5],[6].