Guilhac

Las fòrmas ancianas son Agulac, Agulag (sens data), Agulhac (1079-95), Aguliac (1097), Aguillag (1097), Aguilaco (en latin, 1197), Gulac (1221) e Agulhac (sègle XIII ^[2].

Sus la basa d'una atestacion deu sègle XIII, Agulhac, Dauzat e Rostaing, seguits per Jacques Astor, pensan que lo nom ven deu nom d'òme latin Aculius, sigut deu sufixe celtic latinizat -acum ^[3]. Ernèst Negre, citat per Bénédicte Boyrie-Fénié, postula un nom de persona gallés Agillius, tractat coma *Aguillius, + -acos, solution que refusa Bénédicte Boyrie-Fénié, perqué *Aguillius es pas atestat e que *Agilliacos auré donat Agilhac e Gilhac [Ʒi'ʎak] (e non pas [gi'ʎak], fòrma orala constatada. Vaquí perqué causís lo cognomen Aquilius o lo nomen Aquilius, emb lo sufixe -acu(m). La prononciacion actuala supausa una aferèsi (a- a dispareishut) ^[4].

Observacions :

• las fòrmas Agulac, Agulag, Gulac son sense l palatala (l molhada), perqué los escribas, acostumats au latin, sabèvan pas totjorn representar los fonèmas de las lengas romanicas;
• l'aferèsi es frequenta en occitan e catalan e s'explica per de frasas coma Vau a Agulhac ont la preposicion es confonduda emb la vocala iniciala; en aragonés o en castelhan, coma la preposicion es en dens aqueth cas, l'aferèsi de a- iniciala es pus rara;
• las fòrmas pus ancianas son principalament en agu-, çò que va puslèu dens lo sens de l'interpretacion de Dauzat e Rostaing.

• Avant la refòrma cantonala de 2014, aplicada en 2015, la comuna èra deu canton de Brana; es adara deu canton des Coteaux de Dordogne (en francés), donc deus Tuquets de Dordonha.

• Portau de Guiana