Gaion

Gaion^[1] (Gayon en francés) qu'ei ua comuna bearnesa administrada peu departament deus Pirenèus Atlantics e la region de Navèra Aquitània, ancianament d'Aquitània.

Gaion
Gayon

La maison comuna.

Geografia fisica

Coordenadas

43° 29′ 00″ N, 0° 10′ 07″ O

Superfícia

3,95 km²

Altituds
· Maximala
· Mejana
· Minimala

298 m
190 m
148 m

Geografia politica

França

Pau

Tèrras deus Luis e Tuquets deu Vic Vilh (Lenveja abans 2015)

Intercom
246401632

CC deu Nòrd-Èst Bearn (2017 ---->)

Cònsol

Pierre Peilhet
(2020-2026)

Geografia umana

Populacion
Populacion totala
(2019)

54 ab.

Evolucion de la populacion

55 ab.

Densitat

14,43 ab./km²

Autras informacions

Còde postal

64350

Còde INSEE

64236

Geografia

Toponimia

La prononciacion qu'ei [ga'jun]. Las fòrmas ancianas que son Caioo en 1383, Gayoo en 1385, Gayon en 1772, Gayon (mapa de Cassini, a la fin deu sègle XVIIIau) ^[2].

Segon Dauzat, Gaion que vien deu nom latin d'òmi Gaius, dab lo sufixe -onem ^[3].

Miquèu Grosclaude arrefusa pas l'explicacion de Dauzat, dab ua diferéncia, l'epòca. Supausar ua origina latina ei pas necessari, pr'amor los noms Gay, Gayon son atestats en Bearn a l'Edat Mejana. L'origina d'aqueths noms medievaus que pòt estar lo nom latin Caius/Gaius o un shafre gascon, lo gai (ausèth) ^[2].

A prepaus deu sufixe, Jacques Boisgontier, dens la soa recension deu Dictionnaire toponymique des communes du Béarn, qu'escriu Miquèu Grosclaude constata la relativa frequéncia deu sufixe -on e l'absencia deu sufixe -an (deu latin -anum) shens botar los dus hèits en relacion. Boisgontier que pensa, a data desconeishuda, i avó substitucion d'un sufixe per un aute. Aquí perqué en Bearn i a los adjectius Suson, Sobiron, Juson, contra Susan, Sobiran, Jusan, en gascon comun. Lo sufixe -on ei pas un diminutiu dens aqueth cas. Gaion qu'ei l'equivalent deu Gajan bigordan^[4].