Donzac (Gironda)

Donzac es sus una sèrra, au sud de la dau castèth de Benauja (grafia supausada); un camin godronat i mena dempui lo borg.

Comunas confrontantas de Donzac

	Arbís
Omet		Morens
Lopiac	Montprimblan	Sent German de Grava

Las fòrmas ancianas son Donciacum, Dontiacum, en latin, aus sègles XI-XIII, decima de Donzac, en 1126-1147, Gaufridus de Donzac, en 1192, Johannis d'Anzac, en 1289, cappella de Dompzaco, en latin, en 1342, cappella de Donzaco, en latin, en 1361; la prononciacion es [dun'zak] ^[2]. Donzac vendré dau nom d'òme latin Domitius, damb lo sufixe -acum ^[3], latinizacion dau sufixe gallés -ācon. Aquera etimologia es donada tanben per Bénédicte Boyrie-Fénié, per Ernèst Negre e per Jacques Astor (citats per B. Boyrie-Fénié). B. Boyrie-Fénié obsèrva lo p epentetic de 1342 (en realitat un pauc tardiu e que pòt estar analogic, de mèi en latin, donc sense rapòrt dirècte damb la fòrma orala) e bastís l'evolucion dau nom, a partir dau nomen o cognomen Domitius + -acum : *Domitiácu(m) > *Domizac(o) [*Domizag(o)] > *Dom(i)zac (sincòpa de la vocala plaçada avant l'accent tonic, donc febla) > *Domzac > *Dompzac [p facilita la prononciacion dau grope *mz, es pas etimologic e donc qualificat d'epentetic] > Donzac ^[2]. Donzac èra donc probablament una anciana granda propietat antica qu'avèva per mèste Domitius (nom derivat de domus, « ostau »).

I a un tipe Donzac, format sus Domitius (Donzac (Brulhés), Donzac (Lanas)) e un tipe Donasac, format sus Donatius (Donasac (Rasés), Donasac (País Cordés)); dens lo segond cas, la vocala interiora a, plan mèi solida, se sincòpa pas.

• Avant la refòrma cantonala de 2014, aplicada en 2015, la comuna èra dau canton de Cadilhac; es adara dau canton de l'Entre duas Mars.

• Comunas de Gironda

• Portau de Guiana