Lo departament de Nièvre es una division administrativa e electorala de l’estat francés. Deu son nom a la ribièra que lo travèrsa. L'Insee e la Pòsta li atribuïsson lo còde 58. Sa prefectura es Nivèrns.
Nièvre es constituïda de regions naturalas pron variadas. D'oèst en èst, òm pòt distinguir :
l'extrémitat amont de la Val de Léger. Léger, rejunta per Allèir al Bèc d'Alèir, leugièrament en aval de Nivèrns, suls territòris de las comunas de Marzy e de Gimouille, constituís l'essencial de la frontièra oèst del departament amb Char ;
Puisaia, a l'extremitat nòrd-oèst del departament, al limit amb los departaments del Loiret e d'Yonne ;
los puèges calcaris de Nivernés, que correspondon a la partida centrala del departament ;
Basés, que se trapa a l'èst dels puèges de Nivernés e que correspond als contrafòrts de Morvan ;
l'èst del departament correspond a la partida occidentala de Morvan, massís granitic, ancianament expleitat per sa fusta, e uèi mai que mai destinat a una activitat toristica.
Lo departament es traversat per mai d'una aigas, especialament Léger, Alèir, Yonne, Aron e Cure, e tanben mantun canals.
Amb 6 817 km2, Nièvre es al 22en reng dels departaments franceses pus grands, e al 21en reng dels departzments de França metropolitana.