Chicken Hawk: Men Who Love Boys
Chicken Hawk: Men Who Love Boys [Òmes qu'aiman los gojats][1] es un documentari del 1994 produsit, escrit e dirigit per Adi Sideman. En lo film, membres de la North American Man/Boy Love Association (NAMBLA) debaton sus perqué sostenon las relacions sexualas entre òmes e joves per jos l'edat de consentiment. La produccion contribuiguèt a elevar la popularitat de l'organizacion.[2]
Sinòpsi
Lo film parla de la NAMBLA e la siá istòria e ensaja contextualizar la pedofilia en parlant de la pederastia a l'Anciana Grècia. S'i presentan una sèria d'entrevistas amb membres de la NAMBLA, qu'explican la siá preferéncia pels gojats joves e defendon las relacions pederastiques. Una camèra acompanha un grop de membres de la NAMBLA que participan a una marcha pels dreches dels omosexuales a Washington. Aqueles donan de rasons sus perqué la NAMBLA deuriá esser compresa en lo movement pels dreches dels omosexuales. Lo poèta Allen Ginsberg, que foguèt lo membre e defensor mai notable de la NAMBLA, apareis tanben en lo documentari e legís una "òda grafica a la joenessa".[3]
Estrea e recepcion
Lo documentari s'estreèt en 1994 a l'Underground Film Festival de Nòva York e generèt qualques polemicas. Dins qualques vilas foguèt enebit.[4] Stephen Holden lo qualifiquèt de "crus" e escriguèt a The New York Times: "A un títol inflamatori que contrasta amb lo sieu retrait equanime de la North American Man/Boy Love Association".[5] Lo director, Adi Sideman, declarèt qu'aviá recebut de nombrosas invitacions de departaments nacionales de psicologia, sociologia e criminologia per participar a actes ont se deviá passar lo film. Lo FBI analisèt tanben la pellicula.[4] En 2003 se tornèt projectar a l'Underground Film Festival de Nòva York.
Referéncias
Ligams extèrnes
- (en) Chicken Hawk: Men Who Love Boys a l'Internet Movie Datbase.
- (en) Chicken Hawk: Men Who Love Boys Luòc web ont se pòt descargar lo film.