Castèthnavèth

Segon Dauzat, lo nom qu'ei un diminutiu de Castèthnau, o pus exactament, pr'amor de la fòrma oficiala, de Castelnau ^[6]. Qué cau comprene, dab lo sufixe -et (deu latin -ittum), o dab lo sufixe -èth (deu latin -ellum) ?
Segon Negre, que s'ageish deu gascon nauèt (navèth)^[7], çò qui ei improbable, lo vilatge qu'ei (e qu'èra, pr'amor de la configuracion deus lòcs) tot petit.

Dab castèl/ castèth/chastèl, etc, mot vengut deu latin castellum (e abans de castrum), l'adjectiu nòu, de novum, e las soas fòrmas mei evolucionadas nau e nuèu, qu'es lo qui se tròba mei sovent en toponimia. En mei deu sens literau, lo nom de castèlnòu/castèlnau/castèthnau que designava petitas aglomeracions apiejadas sus ua fortalesa qui las emparava, qu'èran donc borgs castraus medievaus (sègles XI a XIII) ^[8],[9],[10] estudiats per exemple per Benoît Cursente^[11].

Patrici Pojada qu'escriu Castèthnavèth ^[12] (sufixe vienut de -ellum, normalament), mès la mapa deu Conselh Generau de Gers que pòrta Castèthnaveth (dab e barrada, deu sufixe -ittum). La grafia de la mapa qu'ei ibrida : que cau escríver Castèthnavet se l'e es barrada. La prononciacion qu'ei [kas,tɛnna'wɛt] dens la comuna e a l'entorn, mès un còp (a Anhan) [kas,tɛnna'wet] ^[13]. En mei, arren empacha pas un -et d'origina (en supausant, çò qui ei confòrme a la lenga anciana e donc mei probable, un diminutiu de Castèthnau a l'origina) de se mudar en -èth, per analogia dab l'adjectiu mei modèrne navèth. En generau, las fòrmas mei conservatritz son pas dens lo lòc concernit (pr'aquò, dens aqueth cas, l'influéncia deu francés que pòt jogar tanben).

• Avant la refòrma cantonala de 2014, aplicada en 2015, la comuna qu'èra deu canton d'Anhan; qu'ei adara deu canton de Adour-Gersoise (en francés), donc d'Ador gersesa.

modificar « persona »  v · d · m  Evolucion demografica Populacion comunala actuala (2013): 127, totala:
1793	1800	1806	1821	1831	1836	1841	1846	1851
611	519	551	553	620		530	534	540
1856	1861	1866	1872	1876	1881	1886	1891	1896
532	529	478	472	510	502	430	420	422
1901	1906	1911	1921	1926	1931	1936	1946	1954
401	329	332	292	297	265	248	248	260
1962	1968	1975	1982	1990	1999	2006	2007	2008
250	224	201	154	153	155	149	148	146 149
2009	2010
148 151	141 148
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE

• En 2018 la populacion qu'èra de 131 abitants e la densitat qu'èra de 7,25 ab/km².

Viticultura : Costalats de Sent Mont (AOVDQS)

• Comunas de Gers

• Castèthnavet suu site de l'Insee

• Portau de Gasconha