Castèlnòu de Lèvis

Comuna de l'airal urban d'Albi sul TarnAccès pels transpòrts en comun Albibus linha A1 Albibus

Comunas confrontantas de Castèlnòu de Lèvis

Castanet	Senta Crotz	Canhac de las Minas
Bernac La Bastida de Lèvis
Marçac de Tarn	Terçac	Albi

• Castèlnòu. Las fòrmas ancianas son Castronovo, en 1256, Castrum novum de Bonafos, en 1279. Ambe castèl, mot vengut del latin castellum (e abans de castrum), nòu, de novum, e sas fòrmas pus evolucionadas nau e nuèu, es l'adjectiu que se tròba mai sovent en toponimia ^[4],[5]. En mai del sens literal, lo nom de castèlnòu/castèlnau designava de pichonas aglomeracions apiejadas sus una fortalesa que las aparava, de borgs castrals medievals (sègles XI a XIII) ^[6] que per exemple Benoît Cursente estudièt^[7].
• Lèvis. Ven del nom d'una familha qu'eretèt del castèl. La familha Lèvis ven de Gui de Lévis, marescal de Simon de Montfòrt, sortit de Lévis-Saint-Nom (Yvelines, França) ^[8].

Castèlnòu de Bonafós foguèt fondat en 1234 per Sicard Alaman.

En 1480, la senhoriá ven la possession d'Uc d'Amboise, baron d'Aubijoux. Aquela senhoriá demorèt dins la familha d'Amboise fins al sègle XVII. Lo pichon filh d'Uc, Loís d'Amboise d'Aubijoux, comte d'Aubijoux e baron de Castèlnòu de Bonafós, restaurèt e demorèt regularament al castèl, fòrça particular, amb sa torre de 40 mètres de naut.

La sala d'armas del castèl foguèt decorada per el de pinturas, que se i trapava lo retrach del comte d'Aubijoux e aquel del rei.

En 1950, la comuna de Senta Crotz se creèt a partir de la de Castèlnòu de Levís.

• Abans la refòrma cantonala de 2014, aplicada en 2015, la comuna èra del canton d'Albi-nòrd-oèst; es ara del canton d'Albi-3.

modificar « persona »  v · d · m  Evolucion demografica Populacion comunala actuala (2013): 1561, totala: 1602
1793	1800	1806	1821	1831	1836	1841	1846	1851
1 314	1 532	1 502	1 588	1 659	1 347	1 310	1 352	1 272
1856	1861	1866	1872	1876	1881	1886	1891	1896
1 268	1 223	1 189	1 145	1 050	1 034	1 029	1 035	952
1901	1906	1911	1921	1926	1931	1936	1946	1954
894	866	818	724	747	779	743	735	569
1962	1968	1975	1982	1990	1999	2006	2007	2008
571	686	946	1 145	1 308	1 403	1 520	1 518	1 507 1 542
2009	2010
1 501 1 540	1 522 1 562
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE

• en 1950, pèrda de Senta Crotz que venguèt comuna a partir de Castèlnòu.

Viticultura : Galhac (vin)

La fortalesa de Castèlnòu de Bonafós foguèt bastida en 1235 per Sicard Alaman, poderós vassal del comte de Tolosa Ramon VII; èra un bastion avançat de las possessions tolosanas (nòrd del riu de Tarn) fàcia a la reialtat (sud du Tarn). Sus un puèg rocassut nomenat « puèg de Bonafós», lo castèl longtemps se nomenèt Castèlnòu de Bonafós , abans que la familha de Levís ne foguèsse l'eretièra e li balhèsse son nom. Un vilatge foguèt bastit al pè de las muralhas a la meteissa epòca.De l'ancian castèl, demòra pas que qualques roïnas que una torre de gaita dominant la val de Tarn e la vila d'Albi. Deu son estat de roïna al fach que foguèt utilizat coma peirièra pendent los sègles XIX e XX.

Una restauracion parciala dempuèi lo començament dels ans 1980 permet de situar las muralhas del naut e aquelas de la basa, que ne demòra pas qu'una pòrta fortificada. La torre, nauta de 35 mètres, se compausa d'una torre en semicercle que se jonh a una torre carrada. I a tres estatges en vòltas. Cadun mòstra de rèstas d'un ancian plonde que doblava lo nombre dels estatges.

• Ostal d'Amboise
• Sicard Alaman
• Louis d'Amboise d'Aubijoux

• Comunas de Tarn

• (fr)Jean Roques : Castelnau-de-Lévis, Éditions de la Revue du Tarn, 1981.

• Site oficial de la comuna
• Visita virtuala de la torrz de Castèlnòu de Lèvis

• Portal de Lengadòc