Cambas (Enter Duas Mars)

Comuna plaçada dens l'airal urban de Bordèu en Entre Duas Mars, en riba dreta de Garona a 19 km en amont de Bordèu.

Comunas confrontantas de Cambas

	Camblanas e Meinac	Sent Caprasi (de Bordèu)
Quinçac
	L'Isla Sent Jòrgi Garòna delà	Baureg

Las fòrmas ancianas son Alexandre de Cambis, en latin en 1217, Petrus de Cambes, en 1242-1255, Cambas, en 1273, portum de Cambis, en latin, en 1273, Cambes, en 1299, parochia de Cambe, en 1307-1317, a priore de Cambie, en 1326, cappella de Cambis arch. Benaugensis, en 1326, cappella de Cambis, en latin, en 1342. Bénédicte Boyrie-Fénié considèra que lo nom ven d'un locatiu cambis, dau latin vulgar cannapu(m), dau classic cannabis, damb lo sens de aus camps de cambe, çò que la preséncia d'una anciana cordaria per los batèus justifiqueré ^[2] (a l'epòca de la fixacion dau nom ?). Mes lo cambe (o la cambe) èra cultivat pertot per los besonhs textiles. Dauzat explica que los noms dau tipe Camb(as) venen dau gallés *cambo, « corba », damb una valor oronimica, e mèi dens lo quite vilatge bordalés qu'es en riba de Garòna ^[3]. En venent dau sud-èst (de Cadilhac, lo bòrn dau plan de l'Entre Duas Mars, generalament rectilinèu, es ací romput per una comba afluenta, que fòrma una corba convèxa, e tanben per una auta corba segondària. Mes Delamarre descriu lo mot cambo- dens lo sens de « corba d'un flume » o de « corba de la frontèira » ^[4] e explica lo Cambes / Cambas bordalés, tanplan coma lo d'Agenés e lo de Carcin coma de las propietats de Cambos, atestat, venguts de cambā, damb lo sufixe -a, utilizat damb los noms de propietat ^[5]. Justament, los noms de Carcin e d'Agenés s'escriven damb -as. En Gasconha occidentala, i a pas de diferéncia de prononciacion entre -a e -e en posicion pòsttonica, probablament dempuèi las prumèiras atestacions. Bénédicte Boyrie-Fénié causís la grafia Cambes. -S finala dens los tres lòcs a tanben besonh d'explicar.

• A la refòrma cantonala de 2014, aplicada en 2015, la comuna, qu'èra dau canton de Crion, i demorèt.

• La glèisa Sant Martin presenta d'elements daus sègles XII e XIX. Lo portau e l'arcada son las parts mei ancianas, a l'interior retaule dau sègle XVIII. L'edifici hot inscrit au títol daus monuments istorics en 2001.^[6]

• Lo borg
• 
• 
• 
• 
• 
• 
• 
• 

• Portau de Guiana