Bètlòc

Las fòrmas ancianas que son Beitloc, en 1119-1136, Beitloc, en 1150-1167, Pulcher Locus, en latin, en 1286, Begloc, en 1327, Begloc, en 1442, Begloc, en 1472, Belloc, en 1536, Betloc, en 1582, Bellocq, sus la mapa de Cassini, a la fin deu sègle XVIII. La prononciacion qu'es [bɛj'lɔk], dab un è hèra obèrt, quasi un a. Los estatjants que son los bailoqués [lus bajlu'kes]; notem qu'a la pretonica, la vocala qu'ei tostemps mei fragila e cambiadissa qu'a la tonica. Miquèu Grosclaude que nòta que las fòrmas en -it- representan un t banhat [tj-] e que las g l'indican tanben ^[1]. La prononciacion modèrna qu'a suprimit lo t : [bɛtj'lɔk] > [bɛj'lɔk].

Lo sens qu'es evident : que conten ua intencion de marcar la beròu deu site, o que l'endret es bèth per s'i establir ^[2],[3]. Lo nom qu'es frequent dens los cas de mongia, mès pas necessàriament : Bailòc qu'es la prumèra bastida bearnesa.

Miquèu Grosclaude que dèisha la causida enter Bailòc o Bètlòc, ua grafia qui's vòu fonetica e ua auta supausada etimologica e englobanta. Mès la soa proposicion qu'ei doblament paradoxau : per la reproduccion de la fòrma orala [bɛj'lɔk], quitament s'aqueth [ɛ] ei près de [a], que caleré causir Bèilòc, que non pas Bailòc basat suu gentilici bailoqués; se vòlen ua grafia rigorosament classica e englobanta, Bètlòc qu'ei meilèu ua grafia sauvatja e qui pòt pas englobar la prononciacion; sonque Bèthlòc pòt englobar ua prononciacion iodizada [bɛj'lɔk], puish que, atau com escriu Grosclaude, th que's pòt articular dab ua molhadura en bearnés (Bètlòc, grafia incorrècta segur, que poderé representar ua prononciacion [bɛl'lɔk], qui existeish per autes lòcs).

Bailòc qu'es la prumèra bastida bearnesa, fondada en 1281 per Gaston VII de Montcada e de Bearn, mès qu'èra ja un vilatge avant e que portava ja lo son nom (véder las fòrmas ancianas au paragrafe toponimia) ^[1].

modificar « persona »  v · d · m  Evolucion demografica Populacion comunala actuala (2013): 897, totala: 911
1793	1800	1806	1821	1831	1836	1841	1846	1851
947	1 061	1 062	1 096	1 145	1 222	1 216	1 186	1 154
1856	1861	1866	1872	1876	1881	1886	1891	1896
1 017	1 007	1 031	1 033	1 080	1 153	1 099	988	972
1901	1906	1911	1921	1926	1931	1936	1946	1954
996	1 060	1 039	882	871	918	903	862	829
1962	1968	1975	1982	1990	1999	2006	2007	2008
807	836	790	757	702	684	833	840	857 889
2009	2010
875 907	895 927
Fonts
Base Cassini de l'EHESS (recercar) - Nombre retengut a partir de 1962 : Populacion sens comptes dobles - Sit de l'INSEE

• En 2019 la populacion qu'èra de 909 abitants.

• Portau de Bearn